Oýun sanawy
Aşgabatda ýaşlaryň gatnaşmagynda söweş sungatlary boýunça Federasiýa Kubogy üçin jemleýji duşuşyklar geçiriler
24 Okt. 08:0123-nji oktýabrda Türkmen döwlet Bedenterbiýe we sport institutynda söweş sungatlary federasiýasynyň Kubogy ugrunda jemleýji duşuşyklar geçiriler. Ýaryşlar jiu-jitsu, sambo we söweş sambosy boýunça geçirilýär. Final duşuşyklary sagat 10:00-da başlanar.
21-nji oktýabrda badalga alan bu ýaryşlara 2010–2012-nji ýyllarda doglan oglanlar we gyzlar gatnaşýarlar. Bäsleşikler ýokary derejede guralyp, ýaş türgenleriň we tomaşaçylaryň uly gyzyklanmasyna sebäp bolýar.
Ýaryşyň guramaçysy Türkmenistanyň milli Söweş sungatlary federasiýasydyr.
Bäsleşikler ýurdumyzda ýekebara göreşleriň ösdürilmegine we ýaşlaryň arasynda sagdyn durmuş ýörelgeleriniň wagyz edilmegine gönükdirilendir.
Şeýle hem okanyň
Gyrgyzystanda geçirilen VI Bütindünýä çarwadarlar oýunlary dabaraly ýagdaýda tamamlandy. Dünýäniň 106 ýurdundan 3 müňe golaý türgeniň gatnaşmagynda geçen bu halkara etnosport ýaryşynda Türkmenistanyň milli ýygyndysy uly üstünlik gazandy. Biziň pälwanlarymyz bäsleşikleriň netijeleri boýunça 2 altyn, 3 kümüş we 6 bürünç — jemi 11 medal eýeläp, umumy medal sanawynda 7-nji orny eýelediler. Меdal toplamakda birinji orny Gazagystan, ikinji orny Gyrgyzystan, üçünji orny bolsa Russiýa eýeledi.
Milli ýygyndymyzyň türgenleri milli göreş, kuraş, alyş, ssirym, gazak we azerbaýjan göreşleri ýaly ugurlarda tapawutlandylar. Bäsleşikleriň maksatnamasy diňe bir güýç synanyşyklaryny däl, eýsem kök-börü, er-eňiş, guşly aw oýunlary we «otly çapyksuwar» şowusy ýaly täsirli medeni dabaralary hem öz içine aldy. Ýapylyş dabarasynda dron şüweleňi we halkara konsert geçirildi, şeýle hem nobatdaky VII Oýunlary 2028-nji ýylda geçirmek gezegi Russiýanyň Kazan şäherine gowşuryldy.
Şeýle hem okanyň
Blitz