Oýun sanawy
Paýtagtymyzda Türkmenistanyň hemişelik Bitaraplygynyň 30 ýyllygyna bagyşlanan ASHGABAT FASHION SHOW ýokary derejesinde guraldy. Bu çärede milli nagyşlaryň we häzirki zaman modasynyň sazlaşykly utgaşmasy tomaşaçylara özboluşly täsir bagyşlady. Uzaga çeken garaşykdan soň bolan çäre Aşgabadyň gözellik bilen gyzyklanýan adamlaryny bir ýere jemledi.
Agşam täsirli başlangyç bilen açyldy we dabaranyň umumy öwüşgini bahasyna ýetmez derejede boldy.
Türkmen эstradasynyň ýaş ýyldyzy Döwran Şammyýew ajaýyp sazly çykyş bilen sahna çykyp, görkezilişiň döredijilikli ruhuny açdy. Onuň çykyşynda sungat, milli ylham we özboluşly lirika sazlaşyp, tomaşaçylary sergä taýýarlady.
Sahnada on türkmen dizaýneri we moda öýleri olaryň üç ugurdaky (çagalar eşigi, milli keşp, häzirki zaman modasy) toplumlaryny görkezdi.
Agşam jadyly täsir döretdi: her bir sahna çykarylan eşik ýörite saýlanan saz bilen hemmetaraplaýyn açyldy. Döwrebap biçüw bilen utgaşan gadymy türkmen nagyşlary hem-de milli kümüş şaý-sepleri tomaşaçylarda ýokary sungata degişli täsir galdyrdy.
Dizaýnerler milli senetçilikden ylham alyp, türkmen el işleriniň gadymy däpleriniň häzirki wagtda hem giň gerim alýandygyny we halkara ýaşlarynyň ünsüni özüne çekýändigini görkezdi. Şunuň bilen baglylykda, türkmen keşde sungatynyň ÝUNESKO-nyň maddy däl medeni mirasynyň sanawyna girizilendigi aýratyn bellärliklidir.
Häzirki zaman temasyna bagyşlanan bölümde görkezilen güýz-gyş toplumy uly gyzyklanma döretdi — sypaýy, kaşaň we häzirki zaman görnüşi bilen tapawutlandy.
Erkek eşikleriniň täzeçe teswirlenmegi bolsa hakykatdan-da täzelik boldy: dizaýnerler gadymy «don» görnüşini esas alyp, ony sowuk möwsüm üçin döwrebap palto, plaş we hatda tolstowka görnüşlerinde täzeledi.
Milli ýörelgeleriň häzirki zaman akymlary bilen utgaşmagy Türkmenistanda barha berkýan moda ugruny döredýär, bu görkeziliş hem onuň aýdyň subutnamasy boldy. Çäräniň üstünlikli geçmegi 2023-nji ýylda ÝUNESKO-nyň döredijilik şäherleriniň toruna «Dizaýn» ugur boýunça girizilen Aşgabadyň abraýyny ýene-de bir gezek tassyklaýar.
Şeýle hem okanyň
Türkmen alabaýynyň baýramynda iki hünärmene «Türkmenistanyň at gazanan itşynasy» diýen hormatly at dakyldy
26 Okt. 07:21Türkmenistanyň Prezidenti Serdar Berdimuhamedow milli baýramçylyk bolan Türkmen alabaýynyň güni mynasybetli «Türkmenistanyň at gazanan itşynasy» diýen hormatly ady dakmak baradaky degişli Permana gol çekdi. TDH habarlar gullugynyň habar bermegine görä, bu resminama milli itşynaslyk mekdebiniň köpasyrlyk däplerini saklamakda hem-de türkmen alabaýlarynyň şan-şöhratyny dünýä ýaýmakda uly hyzmatlary bitiren zähmetkeşleri sarpalamaga gönükdirilendir.
Döwlet Baştutanymyzyň Permanyna laýyklykda, alabaý itlerini ylmy esasda saklamakda, köpeltmekde we olaryň tohum arassalygyny goramakda köp ýyllaryň dowamynda çeken halal hem-de göreldeli zähmeti göz öňünde tutulyp, iki raýata bu ýokary döwlet ady gowşuryldy. Şunlukda, Türkmenistanyň Döwlet serhet gullugynyň Merkezi gulluk itlerini köpeldiş we kämilleşdiriş ýeriniň uly tehnigi Begmyrat Halwatjanow hem-de Türkmenistanyň Döwlet migrasiýa gullugynyň harby bölüminiň it idedijisi Parahat Bäşimow bu mukaddes ada mynasyp görüldiler.
Ata-babalarymyzdan miras galan türkmen alabaýlary halkymyzyň baý medeni mirasynyň aýrylmaz bölegi bolup durýar. Häzirki wagtda ýurtda alabaýlaryň baş sanyny artdyrmak, olary halkara derejede wagyz etmek we harby hem-da hukuk goraýjy edaralarda gulluk itleri hökmünde netijeli ulanmak boýunça giň göwrümli döwlet maksatnamalary üstünlikli amala aşyrylýar.
Şeýle hem okanyň
Blitz