Oýun sanawy
Özbegistan hökümeti, ýurtlaryna wiza almadyk galyp 30 güne çenli girmäge mümkinçilik berýän döwletleriň sanawyny giňeltdi. Munuň boýunça degişli karary ýurduň Ministrler Kabineti kabul etdi, diýip kun.uz saýty habar berýär.
Täze sanawda 7 sany döwlet bar: Bahreýn, Oman, Iordaniýa, Katar, Hytaý, Kuweýt we Saud Arabystany. Hytaýlylar üçin mundan öň 7 günüň dowamynda wiza talap edilmeýärdi, indi bolsa bu möhlet 30 güne çenli uzaldyldy.
Şeýle hem, kararda iş wizasyny almak üçin resminamalaryň işlemäge gysgalan möhletleri bellenildi. 12 döwletden — Awstriýa, Belgiýa, Angliýa, Germaniýa, Ispaniýa, Italiýa, Latwiýa, Malaýziýa, Fransiýa, Çehiýa, Şweýsariýa we Japoniyadan gelen raýatlar, iş wizasyny 2 gün içinde alyp bilerler. BAE, Eýran we Päkistan raýatlary üçin bu möhlet 3 gün bolar.
Häkimiýetleriň maglumatyna görä, häzirki wagtda Özbegistana 86 ýurtdan raýatlar wizasız girip bilerler.
Şeýle hem okanyň
Iň köp görülen
Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy
Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.
Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.
Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.
Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.
Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.
Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.
Şeýle hem okanyň
Blitz