Oýun sanawy
Birleşen Arap Emirlikleri witiligo keselini bejerýän ilkinji gerdejik dermany tassyklady
19 Awgust. 12:48Birleşen Arap Emirlikleri (BAE) dünýäde ilkinji bolup ýaýraň witiligo (ala keseliniň) bejergisi üçin gerdejik görnüşindäki täze dermany resmi taýdan makullady. «Khaleej Times» neşiriniň berýän maglumatlaryna görä, bu dermanlyk serişdesi ulgamlaýyn bejergi talap edýän 12 ýaşdan uly bolan hassalar üçin niýetlenendir.
BAE-niň Derman serişdeleri boýunça edarasy (EDE) RINVOQ (upadasitinib) diýlip atlandyrylan dermanyň täze ulanyş görkezmesini tassyklady. Günde bir gezek içilýän bu derman serişdesi ozal diňe çalynýan melhemler, fototerapiýa we lazer bejergileri bilen çäklenen hassalar üçin täze we netijeli ulgamlaýyn bejergi mümkinçiliklerini açýar.
Witiligo — deride melanin öndürýän öýjükleriň dökülmegi sebäpli döräp, deriniň reňkini ýitirmegine getirýän ýokuşmaýan awtoimmun keselidir. Saglygy goraýyş edaralary bu täze dermanyň tassyklanmagynyň hassalaryň innowasion bejergi usullaryna elýeterliligini çaltlandyrjakdygyny bellemek bilen, deride üýtgeşmeler ýüze çykanda öz wagtynda lukmanlara ýüz tutmagy maslahat berýärler.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Blitz