Oýun sanawy
Lebap welaýatynda Täze ýyl mynasybetli çagalar üçin täze sahna oýny görkezildi
20 Dek. 06:46Türkmenistanyň Lebap welaýatynda ýerleşýän Seýitnazar Seýdi adyndaky döwlet sazly drama teatry Täze ýyl baýramy mynasybetli täze sahna eserini tomaşaçylara hödürledi. Teatryň döredijilik topary Berdi Kerbabaýewiň «Jonnuk batyr» eseriniň esasynda çagalar üçin «Tokaýdaky Täze ýyl» atly erteki-sahna oýnuny taýýarlady.
Eseriň sahna görnüşi režissýor Suraý Rahmanowa tarapyndan täzeden işlenip, döwrebap teatr çözgütleri bilen baýlaşdyryldy. Bu sahna oýny Täze ýyl günlerinde Türkmenistanda geçirilýän medeni çäreleriň mazmunyny has-da giňeltdi.
Sahna oýnunda wakalar tokaý gurşawynda bolup geçýär we dürli haýwanlaryň keşpleri arkaly gyzykly hem-de terbiýeçilik ähmiýetli ýagdaýlar görkezilýär. Jonnuk batyryň aty Tulpar bilen aýynyň arasyndaky wakalar sahna hereketiniň esasy bölegini emele getirýär. Bu keşpleri janlandyran Çary Eýeberenow, Kakajan Taýlyýew we Bagtyýar Dolyýew tomaşaçylaryň ünsüni özüne çekmegi başardy.
Sahna eseriniň täsirli çykmagy üçin teatryň suratkeşi, Türkmenistanyň sungatda at gazanan işgäri Myrat Haýtyýew hem-de saz bezegini ýerine ýetiren Ruslan Hemraýew uly zähmet çekdiler. Umuman alanyňda, teatryň döredijilik topary bitewi we täsirli sahna eserini döredip, Türkmenistanda çagalar teatrynyň ösüşine mynasyp goşant goşdy.
Şeýle hem okanyň
Türkmen alabaýynyň baýramynda iki hünärmene «Türkmenistanyň at gazanan itşynasy» diýen hormatly at dakyldy
26 Okt. 07:21Türkmenistanyň Prezidenti Serdar Berdimuhamedow milli baýramçylyk bolan Türkmen alabaýynyň güni mynasybetli «Türkmenistanyň at gazanan itşynasy» diýen hormatly ady dakmak baradaky degişli Permana gol çekdi. TDH habarlar gullugynyň habar bermegine görä, bu resminama milli itşynaslyk mekdebiniň köpasyrlyk däplerini saklamakda hem-de türkmen alabaýlarynyň şan-şöhratyny dünýä ýaýmakda uly hyzmatlary bitiren zähmetkeşleri sarpalamaga gönükdirilendir.
Döwlet Baştutanymyzyň Permanyna laýyklykda, alabaý itlerini ylmy esasda saklamakda, köpeltmekde we olaryň tohum arassalygyny goramakda köp ýyllaryň dowamynda çeken halal hem-de göreldeli zähmeti göz öňünde tutulyp, iki raýata bu ýokary döwlet ady gowşuryldy. Şunlukda, Türkmenistanyň Döwlet serhet gullugynyň Merkezi gulluk itlerini köpeldiş we kämilleşdiriş ýeriniň uly tehnigi Begmyrat Halwatjanow hem-de Türkmenistanyň Döwlet migrasiýa gullugynyň harby bölüminiň it idedijisi Parahat Bäşimow bu mukaddes ada mynasyp görüldiler.
Ata-babalarymyzdan miras galan türkmen alabaýlary halkymyzyň baý medeni mirasynyň aýrylmaz bölegi bolup durýar. Häzirki wagtda ýurtda alabaýlaryň baş sanyny artdyrmak, olary halkara derejede wagyz etmek we harby hem-da hukuk goraýjy edaralarda gulluk itleri hökmünde netijeli ulanmak boýunça giň göwrümli döwlet maksatnamalary üstünlikli amala aşyrylýar.
Şeýle hem okanyň
Blitz