Oýun sanawy
«Türkmentel-2025» çäginde «Türkmenistanyň Startap we innowasiýalar – 2025» atly halkara forum geçiriler
03 Noý. 13:37Aşgabat şäherinde «Türkmenistanyň Startap we innowasiýalar – 2025» halkara forumy geçiriler. Çäre Türkmenistanyň Aragatnaşyk ministrligi tarapyndan Birleşen Milletler Guramasynyň Ösüş Maksatnamasy (BMGÖM) bilen hyzmatdaşlykda guralýar.
Forumyň dowamynda Türkmenistanda innowasiýa we IT ekosistemasyny ösdürmegiň ýol kartasy hödürlener hem-de döwlet edaralarynyň, hususy sektoryň wekilleriniň we halkara hyzmatdaşlarynyň gatnaşmagynda sanly ykdysadyýeti ösdürmek boýunça çäreler ara alnyp maslahatlaşylar.
Foruma BMGÖM-niň halkara eksperti Bagrat Ýengibaryan gatnaşyp, sanly innowasiýalar we startaplary ösdürmek boýunça dünýä tejribesini paýlaşar hem-de hyzmatdaşlygyň esasy ugurlaryny beýan eder. Forum döwlet we hususy ugurlar arasynda hyzmatdaşlygy pugtalandyrmaga, tejribe alyşmaga we innowasion ösüşi ilerletmäge gönükdirilendir.
Çäräniň dowamynda «Merkezi Aziýada startap ekosistemasyny ösdürmek boýunça sebit hyzmatdaşlygynyň mümkinçilikleri» atly ýörite sessiýa geçiriler. Bu ýerde sebit ýurtlarynyň startaplary öz innowasion çözgütlerini hödürläp, IKT we innowasiýalar ugurlaryndaky hyzmatdaşlygy ösdürmäge gönükdirilen başlangyçlaryny tanyşdyrarlar.
Şeýle hem okanyň
Türkmenistanyň Döwlet migrasiýa gullugynyň wekilleri Hytaýda geçirilen halkara forumyna gatnaşdylar
09 Sen. 10:34Türkmenistanyň Döwlet migrasiýa gullugynyň wekilleri Hytaý Halk Respublikasynda geçirilen «Migrasiýa gözegçiligi ulgamyndaky hyzmatdaşlyk meseleleri boýunça kiçi foruma» gatnaşmak üçin iş saparyny amala aşyrdylar. Gullugyň resmi saýtynda habar berlişi ýaly, forumyň çäklerinde Lýanyan şäherinde Hytaýyň Migrasiýa işleri boýunça müdirliginiň wekilleri bilen ikitaraplaýyn duşuşyk geçirildi. Gepleşikleriň dowamynda taraplar hyzmatdaşlygyň täze ugurlaryny kesgitlemek hem-de özara bähbitli gatnaşyklary ösdürmek üçin yzygiderli duşuşyklaryň täsirini nygtadylar.
Duşuşykda migrasiýa ulgamyndaky hyzmatdaşlygyň geljegi, ileri tutulýan ugurlar hem-de halkara guramalaryň çäklerindäki özara gatnaşyklaryň orny barada pikir alşyldy. Taraflar däp bolan dostlukly gatnaşyklaryň mundan beýläk-de sazlaşykly ösdüriljekdigine ynam bildirip, geljekki bilelikdäki işlerde üstünlikleri arzuw etdiler.
Şeýle hem okanyň
Blitz