Geçen hepdede Türkmenistanyň Döwlet haryt-çig mal biržasynda daşary ýurt we içerki bazarlara degişli 22 şertnama hasaba alyndy.

Owganystandan gelen daşary ýurt kompaniýalary “Türkmennebit” we “Türkmengaz” döwlet konsernleriniň öndürýän suwuklandyrylan gazy we gidroarassalanan dizel ýangyjyny satyn aldylar. Tölegler daşary ýurt pulunda amala aşyryldy.

Şeýle hem, Birleşen Arap Emirliklerinden we Gonkongdan gatnaşan telekeçiler garlygynyň galyň ekstrakty, mineral gazly suw we alkogolsyz içgiler bilen baglanyşykly eksport şertnamalaryna gol çekdiler. Bu eksport söwdalarynyň jemi bahasy ABŞ-nyň 7,435 million dollaryndan geçdi.

Içerki bazarda bolsa ýerli telekeçiler ýol gurluşygynda ulanylýan nebithimiýa bitumy we polipropilen satyn aldylar. Bu amallaryň umumy möçberi 62,5 million manat boldy.