Oýun sanawy
Türkmenistanda hijri hasap boýunça 1447-nji ýylyň mukaddes Oraza aýyna degişli agyz beklemek hem-de agyz açmak wagtlaryny görkezýän resmi tertip köpçülige ýetirildi. Bu tertip paýtagt Aşgabat şäheri, Arkadag şäheri hem-de ýurduň bäş welaýaty — Ahal, Balkan, Mary, Lebap we Daşoguz welaýatlary üçin aýratynlykda taýýarlanyldy.
Resmi maglumatlara görä, 2026-njy ýylda Oraza aýy 18-nji fewralda başlap, 19-njy martda tamamlanar.
Orazanyň dowamynda her gün iki möhüm nahar wagty bolýar: selärlik — ertir namazyndan öň iýilýän irki nahar we agyz açar — gün ýaşandan soň, agşam namazynyň wagty girende edilýän nahar.
Ýurduň dürli ýerleriniň geografiki ýerleşişi sebäpli agyz beklemek hem-de agyz açmak wagtlary sebitlere görä tapawutlanýar. Iň uly wagt aratapawudy Balkan welaýatynyň günbatar bölekleri bilen Lebap welaýatynyň gündogar bölekleriniň arasynda ýüze çykýar.
2026-njy ýylda Oraza baýramy 20-nji martda, anna güni bellenip geçiler.
Şeýle hem okanyň
Öte gyzgyn çaý we kofe içmek gyzylödek düwnüginiň ýüze çykmak töwekgelçiligini ýokarlandyrýar
Bugün 09:10Oksford uniwersitetiniň alymlarynyň 14 ýylyň dowamynda 1 milliona golaý adamyň maglumatlaryny seljerip geçiren barlaglaryna görä, örän gyzgyn çaýy we kofäni yzygiderli içmek gyzylödek düwnüginiň döremek töwekgelçiligini üç esse ýokarlandyryp biler. Düwnük keselini öwrenmek boýunça halkara agentligi tarapyndan 65℃ we ondan hem ýokary bolan içgiler örän gyzgyn diýlip klassifikasiýa edilýär. Günde alty we ondan köp çüýşeli şeýle içgileri kabul etmek gyzylödegiň tekiz öýjükli karsinomasynyň ýüze çykmak ähtimallygyny ep-esli artdyrýar.
Barlagyň awtorlarynyň biri, iýmit epidemiologiýasy boýunça hünärmen Keren Papýe adamlaryň köplenç içgileri 50–60°C temperaturada içýändigini we içgini içmek oňaýsyzlyk döredýän bolsa, onuň biraz sowamagyna garaşmalydygyny maslahat berýär. Şeýle hem ol gyzgyn içgilerden başga-da çilim çekmegiň, alkogol kabul etmegiň we semizligiň gyzylödek düwnüginiň esasy töwekgelçilik faktorlary bolmagynda galýandygyny ýatlatdy.
Şeýle hem okanyň
Blitz