Oýun sanawy
Türkmenistanda birža söwdalary: 29 geleşik we millionlarça dollar dolanyşyk
09 Few. 07:29Geçen hepde Türkmenistanda Döwlet haryt-çig mal biržasynda işjeň söwda ýagdaýy hasaba alyndy. Resmi maglumatlara görä, birža meýdançasynda jemi 29 geleşik baglaşyldy. Daşary ýurtly hyzmatdaşlar bilen baglaşylan şertnamalaryň umumy gymmaty 7 million 133 müň ABŞ dollaryndan geçdi. Bu barada Türkmenistanyň Döwlet habarlar gullugy mälim etdi.
Habarda bellenilişi ýaly, Türkmenistan bilen hyzmatdaşlyk edýän Birleşen Arap Emirlikleriniň, Türkiýäniň, Owganystanyň we Özbegistanyň işewür toparlary «Türkmennebit» we «Türkmenhimiýa» döwlet konsernleriniň önümlerine uly gyzyklanma bildirdiler. Hususan-da, suwuklandyrylan gaz, karbamid, şeýle hem kükürtden arassalanan dizel önümleri satyn alyndy.
Şeýle-de, Türkiýäniň we Ukrainanyň telekeçileri üçin pagta ýagynyň çökündisi, çig ýagly pagta turşulygy, distilirlenmedik ýagly turşulyk, şeýle hem tekiz reňklenen we žakkard görnüşli dokma önümleri ýerlenildi. Bu ugurda hem Türkmenistan eksport mümkinçiliklerini giňeltdi.
Içerki bazar boýunça bolsa, Türkmenistanyň işewürleri umumy bahasy 669 million 542 müň manatdan gowrak bolan önümleri satyn aldylar. Olaryň hatarynda binýatlyk ýag, polipropilen, nebit ýol bitumy («Türkmennebit» döwlet konserni), portlandsement, nah ýüplügi, çig ýüpek hem-de bugdaý uny bar.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz