Oýun sanawy
13-nji fewralda geçirilen giňişleýin Hökümet mejlisinde döwlet köpçülikleýin habar beriş serişdelerinde ýolbaşçylyk çalşygy yglan edildi.
Pensiýa çykmagy sebäpli O.Hojanazarow Türkmenistanyň Telewideniýe, radiogepleşikler we kinematografiýa baradaky döwlet komitetinyň düzümindäki «Altyn asyr: Türkmenistan» teleradioýaýlymynyň başlygy wezipesinden boşadyldy.
«Watan» habarlar gepleşiginde aýdylyşy ýaly, bu wezipä P.Kakabaýew bellenildi. Ol ozal «Arkadag» teleýaýlymynyň başlygy bolup işleýärdi we täze wezipä geçmegi bilen öňki wezipesinden boşadyldy.
«Arkadag» teleýaýlymynyň ýolbaşçylygyna K.Nepesow bellenildi. Degişli resminamalara Türkmenistanyň Prezidenti Serdar Berdimuhamedow tarapyndan gol çekildi.
Şeýle hem okanyň
Türkmenistanyň Prezidenti Täjigistanyň Garaşsyzlyk güni mynasybetli Emomali Rahmona gutlag hatyny ýollady
09 Sen. 06:24Türkmenistanyň Prezidenti Serdar Berdimuhamedow Täjigistan Respublikasynyň Prezidenti Emomali Rahmona we doganlyk täjik halkyna ýurduň Garaşsyzlygynyň 35 ýyllyk toýy mynasybetli mähirli gutlaglaryny iberdi. «TDH» gullugynyň habar berşi ýaly, döwlet Baştutanymyz öz hatynda Täjigistanyň garaşsyzlyk ýyllarynda gazanan uly üstünliklerini hem-de iki ýurduň arasyndaky syýasy, söwda-ykdysady we medeni-ynsanperwer hyzmatdaşlygyň ýokary derejesini aýratyn belledi.
Serdar Berdimuhamedow bilelikdäki tagallalaryň netijesinde dostlukly ikitaraplaýyn gatnaşyklaryň mundan beýläk-de çuňlaşdyryljakdygyna ynam bildirdi hamana Emomali Rahmona berk jan saglygy we bagtyýarlyk, Täjigistanyň halkyna bolsa parahatçylyk hem-de ösüş arzuw etdi. Ýatladyp geçsek, Täjigistan Respublikasy her ýylyň 9-njy sentýabrynda öz Döwlet garaşsyzlygy gününi dabaraly bellenip geçýär.
Şeýle hem okanyň
Blitz