Oýun sanawy
Türkmenistan parahatçylyk we ynanyşmak medeniýeti boýunça sammit geçirmegi teklip edýär
Türkmenistan döwletleriň arasynda parahatçylyk medeniýeti we ynamy pugtalandyrmak boýunça Dünýä Sammitini geçirmegi teklip etdi. Bu barada Prezident Serdar Berdimuhamedow BMG Baş Assambleýasyndaky çykyşynda habar berdi.
“Döwletleriň dünýä ösüş ugurlaryna bagly çemeleşmelerini deňleşdirmek, ynam we özara düşünjäni döredip, güýçlendirmek işiniň sistematik we yzygiderli bolmalydygyny hasaplaýarys” — diýip, döwlet Baştutany aýtdy.
Sammitiň esasy maksady halkara ynam kodeksini işläp düzmek bolar, bu kodeks döwletleriň özara gatnaşyklaryny hormat, suwerinlik, territoriýa bitewçiligi ýörelgelerine, şeýle hem hyzmatdaşlyk we dünýä meselelerini bilelikde çözmäge esaslanýan umumy binýady bolar.
Şeýle hem okanyň
Iň köp görülen
Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy
Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.
Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.
Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.
Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.
Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.
Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.
Şeýle hem okanyň
Blitz