Oýun sanawy
Türkmenistan 2027-nji ýyla çenli TOPH arkaly Owganystana tebigy gaz ibermäge taýýarlaýar
Türkmenistan «Türkmenistan – Owganystan – Päkistan – Hindistan» (TOPH) gaz geçirijisi arkaly 2027-nji ýylyň başyna çenli Owganystana tebigy gaz ibermäge girişmegi meýilleşdirýär. Bu barada «TAPI Pipeline Company Limited» kompaniýasynyň baş direktory Muhammetmyrat Amanow «Türkmenistanyñ nebiti we gazy – 2025» atly halkara maslahatynda we sergisinde habar berdi.
Amanowyň aýtmagyna görä, Owganystandaky geçiriji bölegi boýunça gurluşyk işleriniň indiki ýylyň ahyryna çenli tamamlanmagy, gazyň bolsa şol ýylyň ahyrynda ýa-da 2027-nji ýylyň başynda iberilmegine garaşylýar.
Ol, şeýle hem, taslamanyň durmuşa geçirilmegi üçin möhüm şertnamalary baglaşmak boýunça Päkistan bilen alnyp barylýan gepleşikleriň ýagdaýy barada gürrüň berdi. «Biz häzirki wagtda ähli möhüm şertnamalaryň gol çekilmegini üpjün etmek, maýa goýujylara hem-de maliýe düzümlerine ynam döretmek ugrunda işleýäris» diýip, Amanow belledi.
Onuň sözlerine görä, gepleşikleriň 90%-den gowragy eýýäm ýerine ýetirildi, we bu tapgyry 2026-njy ýylyň birinji ýarymynda tamamlamak meýilleşdirilýär.
TOPH gaz geçirijisi ýylda 33 milliard kub metr gaz geçirmek kuwwatyna eýedir. Bu gaz «Galkynyş» käninden çykarylyp, şondan 5 milliard kub metri Owganystana, 14 milliard kub metri bolsa her birine Päkistana we Hindistana ugradylar.
Häzirki wagta çenli uzynlygy 214 kilometr bolan türkmen bölegi doly gurlup tamamlandy. 2024-nji ýylyň sentýabrynda uzynlygy 153 kilometr bolan Serhetabat–Herat böleginiň gurluşygy başlandy we häzirki wagtda Owganystanyň çäginde işjeň dowam edýär.
Şeýle hem okanyň
Iň köp görülen
Türkmenistanyň Prezidenti milli pul birliginiň — manadyň 32 ýyllygy bilen gutlady
Türkmenistanyň Prezidenti Serdar Berdimuhamedow raýatlary we bank ulgamynyň işgärlerini milli pul birliginiň — manadyň dolanyşyga girizilmeginiň 32 ýyllygy bilen tüýs ýürekden gutlady.
Döwlet Baştutany öz ýüzlenmesinde manadyň girizilmeginiň ýurduň ykdysady durnuklylygyny berkitmekde, maliýe garaşsyzlygyny üpjün etmekde we pul-karz ulgamyny ösdürmekde möhüm ädim bolandygyny belledi.
Prezidentiň nygtaýşy ýaly, bank ulgamy serişdeleriň dolanyşygyny üpjün etmekde, maýa goýumlaryny artdyrmakda hem-de häzirki zaman sanly tehnologiýalary ornaşdyrmak arkaly maliýe hyzmatlarynyň hilini ýokarlandyrmakda möhüm orny eýeleýär.
Gutlag hatynda şeýle hem bank ulgamynyň kanunçylyk binýadyny halkara ülňülerine laýyklaşdyrmak, elektron töleg ulgamyny giňeltmek we halkara maliýe guramalary, şol sanda Halkara Valýuta Gaznasy, Bütindünýä Banky hem-de “Fitch Ratings” agentligi bilen hyzmatdaşlygy ösdürmek boýunça işleriň dowam etdirilýändigi bellenilýär.
Serdar Berdimuhamedow belleýär, häzirki wagtda Türkmenistan ilat başyna düşýän içerki önümiň derejesi boýunça ýokary girdejili ýurtlaryň hataryna girýär, şeýle hem halkara guramalaryň ählisi ýurduň durnukly ykdysady ösüşine oňyn baha berýär.
Döwlet Baştutany gutlagynyň ahyrynda ähli watandaşlaryna berk jan saglyk, abadançylyk we Garaşsyz, Bitarap Türkmenistanyň ösüşine goşant goşmakda üstünlik arzuw etdi.
Şeýle hem okanyň
Blitz