Oýun sanawy
Türkmenistanyň Futbol federasiýasynyň başlygy FIFA-nyň tehniki komitetiniň agzasy boldy
17 Okt. 13:18Türkmenistanyň Futbol federasiýasynyň (TFF) başlygy Guwançmyrat Öwekow FIFA-nyň Tehniki ösüş boýunça komitetine agza hökmünde saýlandy. Bu abraýly komitete dünýäniň 211 futbol federasiýasynyň diňe 24 sany wekili girýär.
Bu saýlaw halkara derejesinde Türkmenistanyň futbol ulgamynda gazanan üstünlikleriniň hem-de ösüş ugurlarynyň ýokary baha berlendiginiň subutnamasydyr.
TFF häzirki wagtda FIFA-nyň “Mekdepler üçin futbol” we “Zehinleri ýüze çykarmak we ösdürmek” ýaly maksatnamalaryny üstünlikli durmuşa geçirýär. Şeýle hem ýaşlar tälimçilerini taýýarlamak boýunça maksatlaýyn işler alnyp barylýar, bu bolsa geljekde halkara derejesinde çykyş edip biljek futbolçylaryň taýýarlanylmagyna şert döredýär.
FIFA-nyň Tehniki ösüş komiteti dünýäde köpçülikleýin, zenanlar we ýaşlar futbolyny ösdürmekde möhüm orun eýeleýär. Şeýle hem tälimçi taýýarlygy boýunça halkara derejeli ugurlary goldaýar we ösüşe mätäç ýurtlara uzak möhletli strategiýalary durmuşa geçirmäge kömek edýär.
Guwançmyrat Öwekow 2024-nji ýylyň noýabr aýyndan bäri TFF-niň başlygy bolup işlýär. Ol futbolçylyk karýerasyny tamamlandan soň, “Ahal” we “Arkadag” futbol klublarynyň tälimçisi bolup işledi. Öwekow öz futbolçylyk ýolunda diňe bir ýurdumyzda däl, eýsem Ukraina, Gazagystan we Özbegistan ýaly ýurtlarda-da çykyş etdi. 2008-nji ýylda AFK-nyň Çakylyk kubogynda Owganystanyň ýygyndysyna garşy oýunda dört gol geçirip, milli ýygyndynyň taryhyndaky rekordyň eýesi boldy.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Şeýle hem okanyň
Blitz