Oýun sanawy
Türkmenistanyň işewür wekiliýeti Eswatinide hyzmatdaşlyk mümkinçiliklerini öwrenýär
28 Ýan. 08:01Türkmenistanyň işewür topary Eswatini Patyşalygyna resmi iş saparyny amala aşyrdy. Saparyň esasy maksady söwda gatnaşyklaryny giňeltmek, maýa goýum mümkinçiliklerini ara alyp maslahatlaşmak hem-de ösüş ugurlary boýunça täze hyzmatdaşlyk mehanizmlerini döretmek boldy. Bu barada ýerli habar beriş serişdeleri habar berdi.
Bu sapar Türkmenistan bilen Eswatini Patyşalygynyň arasynda diplomatik gatnaşyklaryň ýola goýulmagy bilen baglanyşykly gazanylan ylalaşyklary iş ýüzünde durmuşa geçirmek maksady bilen guraldy. Türkmenistanyň wekiliýeti Eswatininiň daşary işler we halkara hyzmatdaşlyk ministri Folile Şakantu, şeýle hem içeri işler ministri, şagyzy Lindiwe tarapyndan kabul edildi.
Duşuşyklaryň dowamynda taraplar maýa goýum dialoglaryny işjeňleşdirmäge, şeýle hem halkara derejesinde parahatçylygy pugtalandyrmak we durnukly ösüş maksatlaryna ýetmek boýunça hyzmatdaşlygy ösdürmäge gyzyklanma bildirdiler. Türkmenistan öz nobatynda Afrika sebitindäki hyzmatdaşlygy giňeltmäge uly ähmiýet berýär.
Belläp geçsek, Türkmenistan bilen Eswatini Patyşalygynyň arasyndaky diplomatik gatnaşyklar 2025-nji ýylyň 5-nji awgustynda resmi taýdan ýola goýuldy.
Şeýle hem okanyň
Türkmenistanyň wekilleri Özbegistanda geçiriljek I Merkezi Aziýa talyplar sport forumyna gatnaşarlar
Bugün 10:022026-njy ýylyň 29-njy sentýabry bilen 2-nji oktýabry aralygynda Özbegistanda I Merkezi Aziýa talyplar sport forumy geçiriler. Bu halkara sport çäresine Türkmenistanyň degişli edaralarynyň we wekillikleriniň hem amaly gatnaşmagyna garaşylýar.
Özbegistanyň Milli habarlar agentliginiň maglumatlaryna salgylanmak bilen habar berlişi ýaly, bu forum Halkara Uniwersitet Sport Federasiýasynyň (FISU) Prezidenti Leonz Ederiň Daşkente saparynyň çäklerinde guralýar. Çärä FISU-nyň ýolbaşçylary bilen bir hatarda Gazagystanyň, Gyrgyzystanyň, Mongoliýanyň, Täjigistanyň, Özbegistanyň we Türkmenistanyň talyplar sport federasiýalarynyň wekilleri gatnaşarlar.
Guralýan forumyň esasy maksady talyplar sportuny ösdürmek boýunça toplanan tejribäni halkara derejede ýaýratmakdan hem-de sebit döwletleriniň arasyndaky hyzmatdaşlygy pugtalandyrmakdan ybaratdyr. Maslahatyň dowamynda talyplar sportuny ösdürmegiň döwrebap çemeleşmeleri we bu ugurdaky geljekki hyzmatdaşlygyň mümkinçilikleri boýunça pikir alşylar.
Şeýle hem okanyň
Blitz