Oýun sanawy
Türkmenistanyň Prezidenti Serdar Berdimuhamedow welaýatlaryň dolandyryş-çäk gurluşynda amala aşyrylan üýtgetmeler bilen baglylykda birnäçe täze etrap kazyýetlerini döretmek hakynda Permana gol çekdi.
Resminama laýyklykda, ýurdumyzda hereket edýän kazyýetleriň umumy düzüm çäginde şu kazyýetler döredildi:
-
Ahal welaýatynyň Altyn asyr etrap kazyýeti,
-
Daşoguz welaýatynyň Garaşsyzlyk we Gubadag etrap kazyýetleri,
-
Lebap welaýatynyň Döwletli, Farap we Garabekewül etrap kazyýetleri,
-
Mary welaýatynyň Oguzhan etrap kazyýeti.
Täze kazyýet edaralarynyň maliýeleşdirilmegini üpjün etmek maksady bilen, Maliýe we ykdysadyýet ministrligine 2025-nji ýylyň Döwlet býujetine degişli düzedişleri girizmek tabşyryldy.
Şol bir wagtda geçirilen mejlisde ýurdumyzyň harby we hukuk goraýjy edaralarynyň şu ýylyň dokuz aýyndaky işleriniň jemleri jemlenildi hem-de milli howpsuzlyk bilen baglanyşykly meseleler ara alnyp maslahatlaşyldy.
Şeýle hem okanyň
Türkmenistanyň ylmy wekiliýeti Baku şäherinde geçirilýän Altaý jemgyýetleriniň XIV Halkara simpoziumyna gatnaşýar
10 Sen. 10:48Türkmen wekiliýeti Birinji türkologiýa sýezdiniň 100 ýyllyk baýramyna bagyşlanyp Azerbaýjanda geçirilýän Altaý jemgyýetleriniň XIV Halkara simpoziumyna gatnaşýar. Bu abraýly bilim forumy 9-njy sentýabrda öz işine başlady diýip «AZERTAJ» agentligi habar berýär.
Bu çäre Azerbaýjanyň Milli ylymlar akademiýasy we Folklor instituty tarapyndan guramaçylykly geçirilib, oňa TİKA hem-de TÜRKSOÝ ýaly halkara guramalar goldaw berýär. Maslahata Türkmenistan bilen bir hatarda Türkiýeden, Gazagystandan, Ýaponiýadan, Germaniýadan we beýleki onlarça ýurtdan wekiller gatnaşýarlar.
Halkara çäräniň gidişinde Ýewraziýa sebitiniň taryhy we medeni ösüşinde möhüm orun eýeleýän Altaý halklarynyň siwilizasiýa mirasy, taryhy hem-de medeniýeti barada giňişleýin pikir alşylýar.
Dört güne niýetlenen bu simpoziumyň çäklerinde dünýäniň 15 ýurdundan gelen alymlaryň we hünärmenleriň 121 sany ylmy hasabaty diňleniler.
Şeýle hem okanyň
Blitz