Oýun sanawy
Türkmenistanda mining we wirtual aktiwleri düzgünleşdirmek boýunça ýol kartasy taýýarlanyldy
22 Noý. 10:15Türkmenistanda 2026–2030 ýyllar boýunça wirtual aktiwleri kadalaşdyrmak we maýing tehnologiýalaryny ornaşdyrmak maksatly ýörelge dokumenti taýýarlanyldy. Bu barada Ministrler Kabinetiniň mejlisinde wise-premýer Hojamyrat Geldimyradow maglumat berdi diýip, TDH habar berýär.
Ýol kartasynda ýurduň sanly aktiwler bazarynyň işleme düzgünlerini üpjün etmek üçin hukuk, tehnologiýa hem-de guramaçylyk esaslarynyň döredilmegi göz öňüne tutulýar.
Resminamada ýerine ýetirilmeli işler, möhletler we jogapkär edaralar anyk görkezilýär. Esasy ugurlaryň hatarynda halkara tejribesini öwrenmek, kanun taslamalaryny döretmek, energetika we aragatnaşyk infrastrukturasyny ösdürmek, maýa goýumlary çekmek hem-de pilot taslamalary durmuşa geçirmek bar. Mundan başga-da, kiberhowpsuzlygy üpjün etmek, energiýa tygşytlylygyny artdyrmak we hünärli işgärleri taýýarlamak aýratyn möhüm ugurlar hökmünde görkezilýär.
Prezident Serdar Berdimuhamedow tarapyndan ýurdumyzda sanly ykdysadyýeti ösdürmek we täze innowasion tehnologiýalary ornaşdyrmak boýunça yzygiderli işler geçirýändigi nygtaldy. Döwlet Baştutany wise-premýere ýol kartasynyň ýerine ýetirilişini üpjün etmegi tabşyrdy.
Şeýle hem wirtual aktiwleriň ornaşdyrylmagyny utgaşdyrjak ýörite döwlet komissiýasyny döretmek meselesi seljerilýär.
Şeýle hem okanyň
Türkmenistanyň Döwlet migrasiýa gullugynyň wekilleri Hytaýda geçirilen halkara forumyna gatnaşdylar
09 Sen. 10:34Türkmenistanyň Döwlet migrasiýa gullugynyň wekilleri Hytaý Halk Respublikasynda geçirilen «Migrasiýa gözegçiligi ulgamyndaky hyzmatdaşlyk meseleleri boýunça kiçi foruma» gatnaşmak üçin iş saparyny amala aşyrdylar. Gullugyň resmi saýtynda habar berlişi ýaly, forumyň çäklerinde Lýanyan şäherinde Hytaýyň Migrasiýa işleri boýunça müdirliginiň wekilleri bilen ikitaraplaýyn duşuşyk geçirildi. Gepleşikleriň dowamynda taraplar hyzmatdaşlygyň täze ugurlaryny kesgitlemek hem-de özara bähbitli gatnaşyklary ösdürmek üçin yzygiderli duşuşyklaryň täsirini nygtadylar.
Duşuşykda migrasiýa ulgamyndaky hyzmatdaşlygyň geljegi, ileri tutulýan ugurlar hem-de halkara guramalaryň çäklerindäki özara gatnaşyklaryň orny barada pikir alşyldy. Taraflar däp bolan dostlukly gatnaşyklaryň mundan beýläk-de sazlaşykly ösdüriljekdigine ynam bildirip, geljekki bilelikdäki işlerde üstünlikleri arzuw etdiler.
Şeýle hem okanyň
Blitz