Oýun sanawy
Şu gün Türkmenistanyň daşary işler ministriniň orunbasary Mähri Beýşimowa Türkiýäniň Türkmenistandaky Adatdan daşary we doly ygtyýarly ilçisi Ahmet Demirok bilen duşuşyk geçirdi.
Duşuşykda ikitaraplaýyn gatnaşyklary ösdürmegiň möhüm ugurlary hem-de birek-birege gyzyklanma döredýän meseleler ara alnyp maslahatlaşyldy.
Taraplar halkara guramalaryň çäklerindäki hyzmatdaşlygy aýratyn belläp geçdiler.
ÝUNESKO-nyň çägindäki hyzmatdaşlyk aýratyn üns merkezinde boldy. Taraplar milli däp-dessurlarymyzy we maddy däl medeni mirasy gorap saklamakda hem-de wagyz etmekde hyzmatdaşlygyň ähmiýetini nygtadylar diýip, Türkmenistanyň DIM-i habar berýär.
Şeýle hem okanyň
Türkmenistanyň Daşary işler ministri GDA-nyň Baş sekretary bilen duşuşyk geçirdi
10 Sen. 12:42Türkmenistanyň daşary işler ministri Raşid Meredow GDA-nyň Ykdysady geňeşiniň 111-nji mejlisine gatnaşmak üçin ýurdumyza gelen Garaşsyz Döwletleriň Arkalaşygynyň Baş sekretary Sergeý Lebedew bilen duşuşdy. Bu barada Türkmenistanyň daşary syýasat edarasynyň metbugat gullugy habar berýär.
Gepleşikleriň dowamynda taraplar 2026-njy ýylda Türkmenistanyň Arkalaşykdaky başlyklygynyň ileri tutulýan ugurlaryny iş ýüzünde durmuşa geçirmek hem-de GDA-nyň çäklerinde amaly hyzmatdaşlygy giňeltmek meselelerini maslahatlaşdylar.
Duşuşykda 2026-njy ýylyň 7-nji we 9-njy oktýabrynda «Awaza» milli syýahatçylyk zolagynda geçiriljek GDA-nyň Daşary işler ministrleriniň Geňeşiniň we Döwlet Baştutanlarynyň Geňeşiniň mejlislerine taýýarlyk hem-de olaryň guramaçylyk meselelerine aýratyn üns berildi.
Söhbetdeşligiň ahyrynda taraplar köptaraplaýyn hyzmatdaşlygy mundan beýläk-de pugtalandyrmak üçin bilelikdäki amaly işleri dowam etdirmäge taýýardyklaryny tassykladylar.
Şeýle hem okanyň
Blitz