Oýun sanawy
Türkmen mekdep okuwçylary Ýetginjekleriň arasynda mental hasaplamak boýunça Dünýä çempionatyna gatnaşdylar
09 Okt. 10:364-6-njy oktýabry aralygynda Germaniýanyň Bielefeld şäherinde Ýetginjekleriň arasynda mental hasaplamak boýunça Dünýä çempionaty geçirildi. Oňa ýurdumyzyň okuwçylarynyň sekizisi gatnaşyp, üstünlikli çykyş etdi. Bu barada “Kämil bilim” okuw merkezinde habar berdiler.
Halkara ýaryşyň şertlerine laýyklykda, okuwçylar matematikanyň 23 temasyny öz içine alýan 30-a golaý sahypadan ybarat bolan soraglara 2 sagadyň dowamynda ýatdan dogry jogap bermek boýunça bäsleşdiler. Şeýle hem olara goşmaça 5 tema boýunça ýumuşlar tabşyryldy.
Çempionata Fransiýa, Çehiýa, Ýaponiýa, Hindistan, Meksika, Müsür, BAE, Günorta Afrika Respublikasy ýaly döwletleriň ýigrimisinden 100-den gowrak ýetginjek gatnaşdy. Biziň okuwçylarymyz “12 ýaşa çenli” hem-de “12-15 ýaş” toparlary boýunça gatnaşyp, ilkinji onluga girmegi başardylar.
Netijede,
Mekan Nurgeldiýew, Lebap welaýatynyň Türkmenabat şäherindäki ýöriteleşdirilen 41-nji orta mekdebiniň okuwçysy, “Kämil bilim” okuw merkeziniň Türkmenabatdaky şahamçasynyň diňleýjisi, 12 ýaşa çenli çagalaryň arasynda toparda 2000-den ýokary bal gazanyp, 4-nji orna mynasyp boldy.
Liwanur Berdiýewa, Aşgabat şäheriniň dil derslerini çuňlaşdyryp öwredýän ýöriteleşdirilen 87-nji orta mekdebiniň okuwçysy, “Kämil bilim” okuw merkeziniň diňleýjisi, 12-15 ýaşly ýetginjekleriň arasynda 2000-den ýokary bal gazanyp, 6-njy orna mynasyp bolmagy başardy.
Şeýle hem Patma Gündogdyýewa, Aşgabat şäheriniň takyk we iňlis dili derslerini çuňlaşdyryp öwredýän ýöriteleşdirilen 6-njy orta mekdebiniň okuwçysy, “Kämil bilim” okuw merkeziniň diňleýjisi, çempionatyň “Iň ýaş gatnaşyjy” Kubogyna mynasyp boldy.
“Bu halkara ýaryşa gatnaşmak okuwçylarymyz üçin tejribe toplamaga, täze dost tutunmaga uly mümkinçilik berdi. Çünki toparymyzyň agzalarynyň köpüsi şeýle giň gerimli bäsleşige ilkinji gezek gatnaşýar. Bu ýaryşda 2000-den köp bal gazanmak, ýokary netije hasaplanýar. Bu günki gazanylan netije geljekki üstünliklere tarap möhüm ädim boldy” – diýip, “Kämil bilim” okuw merkezleriniň direktorynyň orunbasary Döwletmyrat Durdymämmedow gürrüň berdi.
Germaniýanyň Bielefeld şäherinde okuwçylarymyzyň üstünlikli çykyş etmegi ýurdumyzyň Bilim ulgamyny döwrebap derejede ösdürmäge uly üns berilýändiginiň aýdyň subutnamasydyr.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz