Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow Kataryň halkara hyzmatdaşlyk ministri Mariýam bint Aly bin Nasser Al Misnad bilen duşuşyk geçirdi. Bu barada QNA agentligi habar berýär.

Duşuşyk ýekşenbe güni Dohada geçiriljek adatdan daşary Arap-Yslam sammitiniň öňüsyrasynda gurnalan ministrlik derejesindäki duşuşyklaryň çäginde bolup geçdi.

Taraplar Türkmenistanyň we Kataryň arasyndaky hyzmatdaşlygyň häzirki ýagdaýy hem-de ony ösdürmegiň ugurlary barada pikir alyşdylar. Şol bir wagtyň özünde, halkara syýasy meseleler boýunça hem özara gyzyklanma bildirýän mowzuklar ara alnyp maslahatlaşyldy.

Bu duşuşyk Kataryň paýtagtynda geçiriljek möhüm halkara forumynyň öňüsyrasynda alnyp barylýan işjeň diplomatik hereketleriň bir bölegi boldy.