Oýun sanawy
Türkmenistanyň Irlandiýadaky ilçisi ynanç hatlarynyň nusgalaryny gowşurdy
2025-nji ýylyň 25-nji awgustynda Türkmenistanyň Irlandiýa Respublikasyndaky Adatdan daşary we Doly ygtyýarly ilçisi Ýazmyrat Serýaýew (rezidensiýasy London şäherinde ýerleşýär) iş sapary bilen Dublinde boldy. Saparyň çäklerinde ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Viktor bilen duşuşyp, oňa ynanç hatlarynyň nusgalaryny gowşurdy.
Türkmenistanyň DIM-niň habaryna görä, duşuşykda taraplar Türkmenistan bilen Irlandiýanyň arasynda dostlukly gatnaşyklary ösdürmäge gyzyklanma bildirýändiklerini bellediler.
Şeýle hem 26-njy awgustda ilçi Ý. Serýaýew Irlandiýanyň DIM-niň syýasy meseleler boýunça direktorynyň orunbasary Fiona Nik Donnha we ministrligiň “Global Ireland” hem-de ykdysady ugur boýunça baş direktory Kolm Heýs bilen duşuşdy.
Duşuşyklarda syýasy, söwda-ykdysady, bilim we täzelenýän energetika ugurlarynda hyzmatdaşlygyň giňeldilmegi bilen baglanyşykly mümkinçilikler ara alnyp maslahatlaşyldy. Taraplar şeýle hem halkara guramalaryň çäginde özara gatnaşyklarynyň möhüm ugurlaryny bellediler.
Ýazmyrat Serýaýew şol bir wagtda Türkmenistanyň Beýik Britaniýa we Demirgazyk Irlandiýa Patyşalygyndaky ilçisidir.
Şeýle hem okanyň
Iň köp görülen
Belgradda Türkmenistanyň we Serbiýanyň arasyndaky hyzmatdaşlyk we «EXPO-2027»-e gatnaşmak barada gepleşikler geçirildi
Belgradda Türkmenistanyň we Serbiýanyň daşary işler ministrlikleriniň arasynda syýasy maslahatlaryň nobatdaky tapgyry geçirildi. Türkmenistanyň wekiliýetini Daşary işler ministriniň orunbasary Ahmet Gurbanow, serbiýa tarapyny bolsa Daşary işler ministrliginiň döwlet sekretary Damýan Ýowiç ýolbaşçylyk etdi.
Gepleşikler dowamynda iki ýurduň ikitaraplaýyn gatnaşyklarynyň esasy ugurlary boýunça guralan konstruktiv we mazmunly pikir alyşmalar geçirildi. Diplomatlar syýasy maslahatlaryň yzygiderli geçirilmeginiň täsirli koordinaýyş mehanizm hökmünde uly ähmiýetini belläp geçdiler. Şeýle hem, gatnaşyklary has-da ösdürmek maksady bilen ikitaraplaýyn kanuny esaslary kämilleşdirmegiň zerurdygy tassyklanyldy.
Ikitaraplaýyn ykdysady hyzmatdaşlygyň iň geljegi uly ugurlary hökmünde söwda, dokma senagaty, türkmen polimerleriniň, gübreleriň we oba hojalygy önümleriniň eksporty kesgitlendi. Medeniýet, bilim we syýahatçylyk ýaly gumanitar ugurlarda gatnaşyklary ösdürmäge aýratyn üns berildi.
Gepleşiklerde, Türkmenistanyň we Serbiýanyň BMG ýaly halkara guramalarda ýakyn hyzmatdaşlyk edýändigi we möhüm halkara başlangyçlary boýunça bilelikde işler alyp barýandygy kanagatlanma bilen bellenildi. Iki ýurduň arasynda ýokary derejede ynam we global meseleler boýunça pozisiýalaryň gabat gelýändigi nygtaldy.
«EXPO-2027» barada duşuşyk
Serbiýadaky saparynyň çäginde Türkmenistanyň Daşary işler ministriniň orunbasary Ahmet Gurbanow Belgradda «EXPO-2027» halkara sergisi boýunça direktory Danilo Ýeriňiç bilen duşuşyk geçirdi.
Gepleşikler dowamynda, 2027-nji ýylyň 15-nji maýyndan 15-nji awgustyna çenli geçiriljek bu iri halkara sergi boýunça Türkmenistanyň gatnaşygyna degişli guramaçylyk meseleleri jikme-jik maslahatlaşyldy. Türkmenistanyň şeýle uly möçberli halkara çärede gatnaşmagy, ýurdyň ylym, tehnologiýa we durnukly ösüş pudaklaryndaky gazananlaryny görkezmäge mümkinçilik berer.
Şeýle hem okanyň
Blitz