Oýun sanawy
Ýurdumyzyň günbatar sebitiniň ekerançylary azyk bolçulygyny döretmek baradaky wezipeleri durmuşa geçirmek maksady bilen, ýeralma ekişini üstünlikli tamamladylar. 1 600 gektar meýdany öz içine alan bu möwsümleýin çäre bellenen möhletlerde we degişli talaplara laýyklykda geçirildi. Bu bolsa sebitiň toprak-howa şertlerinde bol hasyl almak üçin ilkinji möhüm ädim boldy.
Häzirki wagtda ekin meýdanlarynda agrotehniki ideg işleri güýçli depginde dowam etdirilýär. Gögeriş alnan meýdanlarda ösümlikleri suwarmak we olary mineral dökünler bilen iýmitlendirmek çärelerine aýratyn üns berilýär. Ekerançylykda ulanylýan kämil usullar ösümlikleriň kadaly ösmegini we dürli zyýanly faktorlara durnuklylygyny üpjün etmäge gönükdirilendir.
Sebitiň ekerançylyk medeniýetinde tejribeli daýhanlaryň däpleri bilen täzeçil tehnologiýalaryň utgaşdyrylmagyna möhüm orun berilýär. Suw tygşytlaýjy tehnologiýalaryň we häzirki zaman oba hojalyk tehnikalarynyň netijeli ulanylmagy işiň öndürijiligini ýokarlandyrýar. Bu usullar ýerleriň hasyllylygyny saklamak we önümiň hilini ýokarlandyrmak üçin zerur şertleri döredýär.
Hünärmenleriň çenlerinişine görä, meýdanlarda alnyp barylýan yzygiderli gözegçilik we ideg işleri şu ýyl bol hasylyň ýygnaljakdygyndan habar berýär. Şunlukda, gök ekinleriň, aýratyn-da ýeralmanyň bolçulygyny üpjün etmek arkaly, welaýatyň sarp edijileriniň isleglerini doly kanagatlandyrmak göz öňünde tutulýar.
Şeýle hem okanyň
Russiýa Federasiýasy 2026-2027-nji okuw ýyly üçin Türkmenistanyň raýatlaryna 500 sany býujet ornuny bölüp berdi
Bugün 08:31Russiýa Federasiýasynyň Hökümeti 2026-2027-nji okuw ýylynda ýurduň öňdebaryjy ýokary okuw mekdeplerinde bilim almak üçin Türkmenistanyň raýatlaryna 500 sany mugt býujet ornuny bölüp berdi. Bu barada Russiýa Federasiýasynyň Türkmenistandaky Adatdan daşary we Doly ygtyýarly ilçisi Iwan Wolynkin «Русский ГлаголЪ» halkara edebi bäsleşiginiň metbugat gullugyna beren interwýusynda habar berdi. Diplomatyň bellemegine görä, türkmen ýaşlarynyň Russiýanyň ÝOKM-lerinde bilim almaga bolan gyzyklanmasy ýyldan-ýyla artýar we mekdep döwründe alnan rus dili bilimi talyplar üçin esasy artykmaçlyklaryň biri bolup durýar.
Russiýanyň ilçisiniň düşündirişi ýaly, rus dilini bilmek täze talyplara dil bökdençliklerini aňsatlyk bilen ýeňip geçmäge, göni öz hünär Sapaklaryna ünsy jemlemäge hem-da talyp durmuşyna çalt uýgunlaşmaga uly kömek edýär. Wolynkin Russiýanyň ýokary bilim hakyndaky diplomlarynyň lukmançylyk, inženerçilik, maglumat tehnologiýalary, ykdysadyýet, halkara gatnaşyklary we ynsanperwer ylymlary boýunça giň mümkinçilikleri açýandygyny nygtady. Talyplar bilim alýan döwründe iri ylmy taslamalara we önümçilik tejribeliklerine gatnaşyp, geljekde alnan çeňňek bilimlerini öz Watanynyň ösüşiniň bähbidine peýdalanmak üçin yza dolanýarlar.
Şeýle hem diplomat Aşgabat şäherindäki «Rus öýüniň» alyp barýan işjeň çäreleri barada durup geçdi. Bu meýdançada ýylboýy Russiýanyň ýokary okuw mekdeplerine okuwa girmek şertleri barada yzygiderli onlaýn-seminarlar we tegelek stol söhbetdeşlikleri guralýar. Ýaňy-ýakynda, oktýabr aýynda ol ýerde Moskwanyň öňdebaryjy uniwersitetleriniň wekilleriniň A.S.Puşkin adyndaky bilelikdäki türkmen-rus orta mekdebiniň ýokary synp okuwçylary bilen duşuşygy geçirilip, okuwa girmek mümkinçilikleri giňden wagyz edildi.
Blitz