Oýun sanawy
Dünýä futbolynyň iň görnekli wekilleriniň biri bolan Neýmar professional sport ýoluny tamamlamagyň wagtynyň golaýlaýandygyny mälim etdi. Häzirki wagtda Braziliýanyň «Santos» toparynda çykyş edýän meşhur hüjümçi 2026-njy ýylyň ahyrynda uly futbol bilen hoşlaşyp biljekdigini aýtdy. 33 ýaşly tejribeli oýunçy beren interwýusynda geljekki meýilnamalarynyň takyk däldigini, emma şol ýylyň dekabr aýynyň karýerasynda iň soňky nokat bolup biljekdigini nygtady.
Sportçynyň kararyna görä, 2026-njy ýyl onuň üçin örän jogapkärli we taryhy döwür bolar. Bu diňe bir onuň öz öýüniň kluby bolan «Santos» bilen baglaşan şertnamasynyň möwriti bilen däl, eýsem öňde gelýän dünýä çempionaty bilen hem baglydyr. Neýmar Braziliýanyň milli ýygyndysynyň düzüminde iň uly ýaryşda ýene bir gezek meýdança çykyp, öz ýurduna abraý getirmegi we şondan soň professional sportdan gitmegi maksat edinýär.
Futbol janköýerleri üçin bu habar garaşylmadyk waka bolmasa-da, bir döwrüň tamamlanmagyny aňladýar. Neýmar özüniň oýun tärleri we hünär ussatlygy bilen meýdançany bezemegi dowam edýär, ýöne onuň aýtmagyna görä, indi her ýyl sportda galmak üçin täze güýç tapmak barha kynlaşýar. Şunlukda, 2026-njy ýylyň dünýä birinjiligi meşhur hüjümçi üçin dabaraly «hoşlaşyk duralgasy» bolup biler.
Şeýle hem okanyň
Türkmenistanyň U15 futbol ýygyndysy Bakuda geçirilýän FIFA festiwalynda ilkinji ýeňişlerini gazandy
Bugün 06:20Türkmenistanyň 15 ýaşa çenli (U15) ýetginjekler ýygyndysy Azerbaýjanyň paýtagty Baku şäherinde geçirilýän FIFA-nyň bütindünýä festiwalynda we dünýä çempionatynda üstünlikli çykyş edýär. Ýurdumyzyň ýetginjek futbolçylary L toparçada Gonkongyň ýygyndysyny 2:1 hasabynda hem-de Kuk adalarynyň toparyny 3:1 hasabynda ýeňmegi başardylar. Toparyň düzüminde Artýom Çernow 3 gol geçirip, iň netijeli hüjümçi boldy. Şeýle hem Guwanç Artykow, Serdar Agaýew we Zehnetdin Şarafatdinow hersi bir gezek tapawutlandylar.
Geçirilen duşuşyklarda türkmen futbolçylary Italiýanyň (1:5) we Kataryň (0:4) güýçli ýygyndylaryna ýeňilen hem bolsalar, geçiren 4 oýnundan soň 6 utuk toplap, toparçada üçünji orny eýelediler. Deslapky Tapgyryň soňky duşuşygyny milli ýygyndymyz 26-njy oktýabrda Beniniň toparçasy bilen geçirýär. Bakuwdaky bäsleşige baş tälimçi Aziz Kambarowyň we onuň kömekçisi Dawid Sarkisowyň ýolbaşçylygynda ham-da kapitan Şamyrat Namraýewiň serdarlygynda jemi 14 sany ýaş futbolçy ugradyldy.
Halkara ýaryşyň düzgünlerine laýyklykda, oýunlar kiçeldilen meýdançalarda 8×8 görnüşinde amala aşyrylyp, duşuşyklar 20 minutlyk iki taýmdan ybaratdyr. Deslapky tapgyrdan soň toparlar eýelän orunlaryna görä pleý-off diwizionlaryna бölünýärler we ýaryşyň dowamynda her bir ýygyndy jemi 10 oýun geçirer. Bu halkara turnir Türkmenistanyň ýaş futbolçylary üçin uly halkara tejribe we amaly mekdep öwrülýär.
Şeýle hem okanyň
Blitz