Oýun sanawy
Türkmenistanyň Prezidenti täze administratiw-territorial birikmeleri döretmek boýunça Karara gol çekdi. Resminama laýyklykda, ýurduň dört welaýatynda täze etraplar we häkimlikler döredildi. Bu çäreler TDH-niň habaryna görä, 2022–2028 ýyllar üçin kabul edilen döwlet ösüş maksatnamalarynyň çäklerinde durmuşa geçirilýär.
Täze döredilen etraplar:
-
Altyn asyr — Ahal welaýatynda;
-
Garaşsyzlyk we Gubadag — Daşoguz welaýatynda;
-
Farap, Döwletli we Garabekewül — Lebap welaýatynda;
-
Oguzhan — Mary welaýatynda.
Häkimliklere Maliýe we ykdysadyýet ministrligi, Zähmet we ilaty durmuş taýdan goramak ministrligi hem-de Adalat ministrligi bilen bilelikde, struktura we ştatlar boýunça teklipleri taýýarlap, Ministrler Kabinetine hödürlemek tabşyryldy.
Bu işler şu maksatnamalaryň çäklerinde amala aşyrylýar:
-
Türkmenistanyň Prezidentiniň 2022–2028 ýyllar üçin durmuş-ykdysady ösüş Maksatnamasy;
-
Täzelenen görnüşdäki Ilatyň ýaşaýyş-durmuş şertlerini özgertmek boýunça Milli maksatnama.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz