“Türkmenistan” gazetiniň ýazmagyna görä, Türkmenistanyň Döwlet neşirýat gullugy “Sulton Jelaleddin Menguberdi” atly täze kitaby çap etdi.

Kitabyň awtorlary — Türkmenistanyň Ylymlar akademiýasynyň Taryh we arheologiýa institutynyň alymlary Orazpolat Ekaýew we Rejep Jommyýew.

Esere görä, Jelaleddin Menguberdi – watansöýülik, gahrymançylyk we batyrlyk bilen tanalýan taryhy şahsyýetdir. Kitap onuň şöhratly ömrüne we gahrymançylykly göreşlerine bagyşlanypdyr.

• Birinji bapda Horezmşalar imperiýasynyň Jelaleddine çenli bolan döwri beýan edilýär.

• Ikinji bap Jelaleddiniň Çingiz hanyň goşunlaryna garşy alyp baran söweşlerine gönükdirilendir.

• Üçünji bapda Muhammet an-Nasawiniň eserlerindäki Jelaleddiniň keşbi barada gürrüň berilýär.

• Dördünji bapda bolsa beýleki awtorlaryň eserlerindäki keşpleri seljerilýär.