Oýun sanawy
Balkan welaýatynda Kerim Kurbannepesowyň doglan gününiň 96 ýyllygy bellenildi
17 Okt. 12:24Türkmenistanyň hemişelik bitaraplygynyň 30 ýyllygynyň çäklerinde hem-de şahyr Kerim Kurbannepesowyň doglan gününiň 96 ýyllygyny hatyralamak maksady bilen Balkan welaýatynda döredijilik duşuşygy geçirildi. “Halkyň söýen şahyry” atly edebi çärä Makhtumguly etrabynyň D. Owliýagulyýew adyndaky 13-nji orta mekdebiniň kitaphanasy eýeçilik etdi.
Bu çäre türkmen poeziýasynyň parlak wekilleriniň biri hökmünde tanalýan Kurbannepesowyň döredijiligini ýaş nesle ýetirmek hem-de onuň döredijilik mirasyny wagyz etmek maksady bilen guraldy.
Duşuşygyň dowamynda zehinli okuwçylar şahyrdan saýlanan goşgulary ýatdan aýdyp, onuň söz sungatyna bolan duýgularyny paýlaşdylar. Mugallymlar bolsa Kerim Kurbannepesowyň ömri, döredijilik ýoly hem-de şygryýetiniň mazmuny we terbiýeçilik ähmiýeti barada giňişleýin gürrüň berdiler. Okuwçylar bu maglumatlara uly gyzyklanma bilen gatnaşyyp, sowallara işjeň jogap berdiler.
Geçirilen çäre milli medeniýetiň we edebi mirasyň gymmatlydygyny ýene bir gezek görkezdi we täze taryhy döwürde ruhy baýlyklary ösdürmegiň ähmiýetini nygtady.
Şeýle hem okanyň
«Türkmengaz» döwlet konserniniň maddy-enjamlaýyn binýady we tehniki enjamlaşdyrylyşy döwrebaplaşdyrylar
24 Okt. 12:11Türkmenistanyň Prezidenti Serdar Berdimuhamedow Ministrler Kabinetiniň mejlisiniň dowamynda «Türkmengaz» döwlet konserniniň maddy-enjamlaýyn binýadyny döwrebaplaşdyrmak hakynda degişli Karara gol çekdi. TDH habarlar gullugynyň mälim etmegine görä, bu resminama ýurduň gaz senagaty toplumynyň önümçilik kuwwatyny yzygiderli ýokary götermäge we pudagyň tehniki mümkinçiliklerini döwrüň talaplaryna laýyklykda kämilleşdirmäge gönükdirilendir.
Häzirki wagtda döwlet konserniniň önümçilik desgalaryny täzeden enjamlaşdyrmak we tehniki binýadyny pugtalandyrmak boýunça giň göwrümli çäreler bellenilen tertipde alnyp barylýar. Amala aşyrylýan bu toplumlaýyn adimler tebigy gazy gazyp almagyň hem-de gaýtadan işlemegiň göwrümini artdyrmak bilen bir hatarda, içerki we daşarky sarp edijileri mawy ýangyç bilen bökdençsiz hem-da durnukly üpjün etmäge şert döredýär.
Döwlet Baştutanymyz Karara gol çekip, degişli wise-premýer Guwanç Agajanowa konserniň maddy-enjamlaýyn binýadyny döwrebaplaşdyrmak boýunça göz öňünde tutulan ähli işleri talabalaýyk guramagy tabşyrdy. Pudagy kämilleşdirmekde dünýäniň öňdebaryjy tehnologik kompaniýalary bilen özara bähbitli hyzmatdaşlygy giňeltmäge we innowasion çözgütleri ornaşdyrmaga aýratyn üns beriler.
Şeýle hem okanyň
Blitz