Gazagystanyň Prezidenti Kasym-Žomart Tokaýew täze döwlet sylagyny — «Hoja Ahmet Ýasawy» ordenini döretmek baradaky resminama gol çekdi. Bu sylag bütin türki dünýäsiniň ykrarlan akyldary, sufizm akymynyň düýbüni tutujy şahyr Hoja Ahmet Ýasawynyň hatyrasyna döredildi.

Täze orden Gazagystanyň raýatlaryna we daşary ýurtly şahsyýetlere Ýasawynyň mirasy öwrenmekde hem-de ony dünýä ýaýmakda bitiren hyzmatlary üçin berler. Sylag medeni-ruhy gymmatlyklary durnukly ösdürmäge we taryhy şahsyýetiň ylmy mirasyny wagyz etmäge goşant goşanlara gowşurylar.

XII asyrda ýaşap geçen Hoja Ahmet Ýasawy «Diwany hikmet» atly dünýä belli eseriň awtorydyr. Ol Merkezi Aziýanyň türki halklarynyň arasynda ynsanperwerlik pelsepesiniň ornaşmagynda möhüm orun eýeläp, sebitiň medeni bitewüliginiň kemala gelmegine uly täsirini ýetiren taryhy şahsdyr.

Bu döwlet sylagynyň döredilmegi Türküstan şäheriniň türki dünýäsiniň ruhy merkezi hökmündäki statusyny has-da berkitmäge gönükdirilendir. Täze orden beýik akyldaryň döredijilik pelsepesiniň halkara derejesinde giňden tanalmagyna we medeni gatnaşyklaryň çuňlaşmagyna hyzmat eder.