Oýun sanawy
Gazagystanly sazanda arakesme bermezden ýüzden gowrak halk aýdymyny aýdyp, dünýä rekordyny täzeledi
15 Iýun. 11:58Şakarim uniwersitetiniň mugallymy Kaýrat Kabyşew etnomedeniýet ugrubonça Aziýanyň we Afrikanyň Dünýä rekordlar kitabyna girdi. Abaý sebitinde guralan ýörite çäräniň dowamynda sazanda 5 sagat 29 minudyň içinde yzly-yzyna 102 sany gazak halk aýdymyny ýerine ýetirdi.
Çykyşyň esasy aýratynlygy — ähli eserleriň hiç hili notasyz, göni ýazgysyz we fonogrammasyz, diňe ýatdan we janly ses bilen ýerine ýetirilmegidir. Düzgün boýunça her 25 aýdymdan soň 15 minut dynç almaga rugsat berilse-de, ýerine ýetiriji arakesme alardan ýüz öwürdi. Gazanylan üstünlik üçin Kaýrat Kabyşewe resmi şahadatnama we kümüş medal gowşuryldy. Bu görkeziji Rekordlar kitabynyň 2026-njy ýyldaky neşirine giriziler.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Blitz