Oýun sanawy
Ýewraziýa Ykdysady Bileleşiginde (ÝEAYB) başlyklyk etmek gezegi geljek 2027-nji ýylda Gyrgyzystan Respublikasyna geçer. Bu barada Russiýa Federasiýasynyň Prezidentiniň kömekçisi Ýuriý Uşakowyň beren maglumatyna salgylanyp, TASS habarlar gullugy ýazýar.
Uşakowyň bellemegine görä, Gyrgyzystan 2027-nji ýylyň 1-nji ýanwaryndan başlap gurama baştutanlyk edip başlar. Russiýanyň resmi wekiliniň bu baradaky çykyşy Russiýanyň Prezidentiniň Gazagystanda geçiriljek ÝEAYB-niň nobatdaky çäresine gurajak saparynyň öňüsyrasynda mälim edildi.
Guramanyň tertipnamasyna laýyklykda, ÝEAYB-niň edaralaryndaky başlyklyk wezipesi elpbiý tertibine görä her ýyl gezekli-gezegine amala aşyrylýar. Gezegiň Gyrgyzystana geçmegi sebitde ykdysady hyzmatdaşlygy we integrasiýa işlerini utgaşdyrmakda täze sepgitleri açar.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Blitz