Oýun sanawy
Türkmenistanyň paýtagty Aşgabat şäherinde «Türkmenistanyň nebiti we gazy — 2025» atly halkara maslahaty we sergi öz işine başlady.
Forumyň dowamynda gatnaşyjylar Türkmenistanyň Prezidenti Serdar Berdimuhamedowyň Gutlagyny diňlediler. Döwlet Baştutany çykyşynda şeýle aýtdy:
«30-njy gezek ýokary guramaçylyk derejesinde geçirilýän bu halkara forumyň ýurdumyzyň hünärmenleri bilen daşary ýurt hyzmatdaşlarynyň arasynda tejribe we pikir alyşmakda, giň hyzmatdaşlygyň esaslaryny berkitmekde möhüm rol oýnajakdygyna berk ynanýaryn.»
Her ýyl geçirilýän OGT forumy ýurdumyzdaky ýangyç-energetika toplumynyň ösüşinde ileri tutulýan ugurlar, özara peýdaly hyzmatdaşlygyň giňeldilmegi, täze tehnologiýalaryň ornaşdyrylmagy we önümçilige innowasion çemeleşmeleriň girizilmegi bilen baglanyşykly meseleleriň ara alnyp maslahatlaşylmagyna mümkinçilik berýär.
Forum bilen bilelikde geçirilýän sergi dünýäniň dürli ýurtlarynyň kompaniýalarynyň täze taslamalaryny, häzirki zaman işläp taýýarlamalaryny hem-de innowasion çözgütlerini tanyşdyrmaga mümkinçilik berýär.
Şu ýyl «Energiýa. Innowasiýa. Ösüş» şygary bilen geçirilýän OGT 2025 forumyna dünýäniň 70 döwletinden 1400-den gowrak wekili gatnaşýar. Forum halkara metbugatda giňden şöhlelendirilýär.
Forumyň resmi metbugat hyzmatdaşlarynyň hatarynda Euronews, BNE IntelliNews, Newsbase, Interfax, Energy Intelligence we sebitde öňdebaryjy birnäçe beýleki habar serişdeleri bar.
Euronews teleýaýlymynyň ýörite promo roligi şeýle nygtaýar: «Ýewraziýanyň ýüreginden dünýä bilen hyzmatdaşlyga gapylary açýan ýurt — Türkmenistan.»
Sergide ýurduň öňdebaryjy maglumat portaly Turkmenportal hem öz diwarlygyny hödürledi. Portal OGT 2025-niň taýýarlyk tapgyrlaryny yzygiderli şöhlelendirdi.
Şeýle hem okanyň
Harri Keýn 2025/26 möwsüminiň netijeleri boýunça «Altyn top» baýragynyň eýesi boldy
Bugün 03:06Mýunheniň «Bawariýa» klubunyň we Angliýanyň milli ýygyndysynyň hüjümçisi Harri Keýn 2025/26 möwsüminiň jemi boýunça dünýä futbolynyň iň abraýly şahsy baýragy bolan «Altyn topa» mynasyp boldy. Dabaraly çäre 26-njy oktýabrda Londondaky «London Palladium» teatrynda geçirildi we bu baýrak 70 ýyllyk taryhynda ilkinji gezek Fransiýanyň daşynda gowşuryldy. Keýn ses berişlikde Kilian Mbappeden we Lamin Ýamaldan öňe geçmegi başardy, şeýle hem ol möwsümiň iň gowy bombardiri hökmünde Gerd Mýuller adyndaky baýraga eýe boldy.
Geçen möwsüm 33 ýaşly iňlis hüjümçisi üçin karýerasyndaky iň netijeli döwür boldy. Ol «Bawariýanyň» düzüminde ähli ýaryşlarda 61 gol geçirip, toparyna Germaniýanyň çempionlygyny we ýurduň Kubogyny utmaga uly goşant goşdy. Mundan başga-da, Keýn Dünýä çempionatynda Angliýanyň milli ýygyndysynyň düzüminde 6 gol urup, toparynyň ýarym finala çenli ýetmegine kömek etdi. Bu ýeňiş iňlis futboly üçin hem taryhy waka öwrüldi, sebäbi iň soňky gezek bu baýragy 2001-nji ýylda Maýkl Ouen alypdy.
Ses berişligiň netijeleri boýunça ikinji orny Madridiň «Realyndan» Kilian Mbappe (42 gol), üçünji orny bolsa «Barselonadan» Lamin Ýamal (24 gol, 18 assist) eýeledi. Ilkinji onluga şeýle hem Rodri, Lionel Messi, Hwiça Kwarasheliýa, Usman Dembele, Erling Holand, Maýkl Olise we Fabian Ruis girdiler. Zenanlaryň arasynda bolsa «Altyn top» baýragyna karýerasynda üçünji gezek ispan ýarymgoragçysy Aleksiýa Putelýas mynasyp görüldi.
Şeýle hem okanyň
Blitz