ABŞ-nyň Döwlet sekretariatynyň Bilim we medeniýet бюросы tarapyndan goldanylýan abraýly «International Visitor Leadership Program» (IVLP) hünär alyş-çalyş maksatnamasynyň çäklerinde Türkmenistanyň resmi wekiliýeti Demirgazyk Karolina ştatyna iş saparyny amala aşyrdy. Maliýe we ykdysadyýet ministrliginiň Intellektual eýeçilik baradaky döwlet gullugynyň, Ministrler Kabinetiniň hem-de hususy pudagyň wekillerini öz içine alýan ýurdumyzyň hünärmenleri patent hukugy, innowasiýalar we ylmy barlaglaryň netijelerini täjirçilik esofuna geçirmek babatda halkara hyzmatdaşlygy pugtalandyrmaga gönükdirilen duşusyklar toplumyny geçirdiler.

Saparyň ilkinji günlerinde wekiller amerikan medeniýeti we taryhy mirasyny öwrenmek maksady bilen, Çatem okrugyndaky «Old-Fashioned Farmers’ Days» däp bolan oba hojalyk festiwalyna gatnaşdylar.

Bu ýerde wekiliýet agzalary gadymy oba hojalyk tehnikalary bilen tanyşdylar. 

Şeýle hem «Dinner Diplomacy» maksatnamasynyň çäklerinde myhmanlar amerikan maşgala ojagynda bolup, özara medeni gatnaşyklary berkitdiler. 

Munuň bilen birlikde, wekiller Atlantik okeanynyň kenaryna baryp, taryhym port şäheri bolan Uilmingtonuň gözel ýerlerini synladylar.

Saparyň işewürlik bölegi Çapel-Hilldäki Demirgazyk Karolina uniwersitetinde (UNC) dowam etdi.

Uniwersitetiň ylmy barlaglar boýunça wise-kanslorynyň edarasynda alyş-çalyş maksatnamalaryň assosirlendirilen direktory Timoti Rouz we barlaglaryň howpsuzlygy boýunça jogapkär Kuinton Jonson bilen duşusyk geçirilip, döwlet tarapyndan maliýeleşdirilýän ylmy barlaglary goramak we tehnologiýalaryň rugsatsyz berilmeginiň öňüni almak çäreleri ara alyp maslahatlaşyldy. 

Mundan başga-da, wekiller Demirgazyk Karolina ştatynyň Sekretarynyň edarasynda bolup, telekeçiligi bellige almak we haryt nyşanlaryny goramak ulgamlary bilen tanyşdylar.

Wekiliýet tarapyndan uly gyzyklanma döreden ýerleriň biri hem UNC-niň Ýuridik mekdebi boldy. 

Bu ýerde Intellektual eýeçilik klinikasynyň we innowasiýalar institutynyň direktory Dustin Marlan geljekki ýuristleri taýýarlamak hem-de kiçi telekeçilige we startaplara hukuk kömegini bermek tejribesi barada gürrüň berdi. 

Şeýle hem Demirgazyk Karolina ştatynyň Söwda departamentinde Ylym, tehnologiýalar we innowasiýalar edarasynyň ýerine ýetiriji direktory Jon Hardin bilen duşusyk geçirilip, ykdysady ösüş we maýa goýumlary çekmek meseleleri ara alnyp maslahatlaşyldy.

 

Resmi duşusyklar Demirgazyk Karolina ştatynyň uniwersitetinde (NC State) tamamlanyp, bu ýerde tehnologiýalary ygtyýarnamalaşdyrmak bölüminiň wise-kanslorynyň kömekçisi Braýan Eller ylmy açyşlary bahalandyrmak we olary önümçilige ornaşdyrmak işleri barada maglumat berdi. 

 

Türkmenistanyň wekiliýetiniň Demirgazyk Karolina ştatyna amala aşyran bu sapary iki ýurduň arasyndaky hünär gatnaşyklaryny giňeltmekde we innowasion mümkinçilikleri ösdürmekde möhüm ädim boldy. 10-njy sentýabrda wekiliýet ABŞ-daky saparyny dowam edip, Boston şäherine ugrady.