Oýun sanawy
Azerbaýjanyň Milli Mejlisiniň Başlygy sapar bilen Awaza geldi
Şu gün Azerbaýjanyň Parlamentiniň wekiliýeti ýurduň Milli Mejlisiniň Başlygy Sahiba Gafarowanyň ýolbaşçylygynda Türkmenistana sapar bilen geldi. Bu wekiliýet «Awaza» milli syýahatçylyk zolagynda geçiriljek BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde guralýan Parlamentara foruma gatnaşar.
«Report» habarlar agentliginiň habar bermegine görä, Türkmenbaşy Halkara howa menzilinde Azerbaýjanyň Milli Mejlisiniň Başlygyny Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Baýramgözel Myradowa, Azerbaýjanyň Türkmenistandaky ilçisi Gismat Gozalow we beýleki resmi adamlar garşyladylar.
Bellenilişi ýaly, Sahiba Gafarowa Parlamentara forumyň birinji bölümçe mejlisine başlyklyk eder. Saparyň çäklerinde Milli Mejlisiniň Başlygynyň forumda çykyş etmegi hem-de birnäçe duşuşyklary geçirmegi göz öňünde tutulýar.
Habarda bellenilişine görä, BMG-niň Deňze çykalgasy bolmadyk ösüp barýan döwletler boýunça üçünji maslahatynyň çäklerinde 6-njy awgustda «Awaza» milli syýahatçylyk zolagynda Azerbaýjanyň milli güni hem guralar. Şeýle-de azerbaýjanly sungat ussatlary forumyň ýapylyşy mynasybetli geçiriljek dabaraly konsertde çykyş ederler.
Şeýle hem okanyň
Iň köp görülen
Türkmenistan Prezidenti Serdar Berdimuhamedow, ABŞ-nyň Prezidenti Donald Tramp bilen “Merkezi Aziýa – Amerikanyň Birleşen Ştatlary” sammitiniň çäginde Waşingtonda ikitaraplaýyn duşuşyk geçirer. Bu barada TDH habar berýär.
“Türkmenistan Ministrler Kabinetiniň wise-premýeri, daşary işler ministri Raşit Meredow, Prezident Serdar Berdimuhamedowun ABŞ-a iş saparynyň taýýarlygy barada hasabat berdi. Bu sapar, Prezident Donald Trampyň çagyrmagyna laýyklykda ýokary derejeli gepleşikler geçirmek we “Merkezi Aziýa + ABŞ” sammitine gatnaşmak maksady bilen amala aşar” – diýip, habar berildi.
Serdar Berdimuhamedow, Türkmenistan bilen ABŞ-nyň arasyndaky gatnaşyklary has-da ösdürmek üçin gowy mümkinçilikleriň bardygyny belläp geçdi. “ABŞ-da geçiriljek sammit, iki ýurt arasyndaky özara peýdaly hyzmatdaşlygyň berkemegine ýardam eder” – diýip, döwlet baştutany nygtady.
Öň habar berlişi ýaly, “Merkezi Aziýa + ABŞ” sammiti 6-njy noýabrda geçiriljekdir.
Blitz