Oýun sanawy
Hursand Imankuliýew WBC Eurasia-nyň çempionlyk guşagy ugrunda taryhy söweşe çykýar
25 Maý. 06:55Sport äleminde tutuş ýurdumyzy buýsandyrjak ägirt uly waka garaşýar! Watanymyzyň iň güýçli boksçularynyň biri Hursand Imankuliýew professional boks boýunça dünýäniň iň abraýly guramalarynyň biri bolan Bütindünýä Boks Geňeşiniň (WBC) «Eurasia» titulyny eýelemek ugrunda ringe çykar. Bu gurama öz döwründe Maýk Taýson, Floýd Meýwezer, Kanelo Alwares we Oleksandr Usyk ýaly dünýä derejeli ägirtleri ýetişdiren taryhy mekdepdir.
Ýewraziýanyň 50-den gowrak döwletiniň iň güýçli pälwanlaryny bir ýere jemleýän bu çempionat, biziň pälwanymyz üçin diňe bir nobatdaky ýaryş däl-de, eýsem professional boks äleminiň iň belent sepgitlerine barýan taryhy ädimdir. Şeýle iri ýaryşda gazanyljak ýeňiş Hursand üçin dünýä boksunyň iň ýokary ligasyna açylýan altyn bilet bolar we Türkmenistanyň adyny dünýäniň iň abraýly arenalarynyň taryhyna altyn harplar bilen ýazdyrar.
Hursand Imankuliýew bu jogapkärli söweşe haýran galdyryjy we kämil netije bilen gelýär: ol professional ringde geçiren 7 söweşiniň ählisinde ynamly ýeňiş gazandy! Onuň garşydaşlaryny agyr nokautlar bilen ringden çykaryşy biziň boksçymyzyň nähili uly güýje we takyk urga eýediginiň aýdyň subutnamasydyr. Şonuň üçin hem Hursandyň güýçli nokautlary eýýäm onuň özboluşly alamatyna öwrüldi.
Bu gezek Hursand ringde tanzaniýaly tejribeli boksçy Adam Ndumbati bilen duşuşar. Ol şu wagta çenli professional ringde 10 söweş geçirip, olaryň 50 göterimini nokaut bilen utmagy başardy. Iki sany nokautçynyň ringdäki bäsleşigi boks janköýerleri üçin örän gyzykly we çekeleşikli pursatlara baý bolar.
Hursand ringe çykanda diňe öz adyny däl, eýsem tutuş Türkmenistanyň şan-şöhratyny, sport abraýyny belende göterýär. Taryhy ýaryş 29-njy maýda sagat 18:00-da Özbegistanda geçiriler.
Şeýle hem okanyň
«Altyn top – 2026» baýragyna dalaşgärleriň giňişleýin sanawy we esasy maglumatlary
09 Sen. 08:26«France Football» žurnaly 2025/26-njy ýyllaryň möwsüminiň netijeleri boýunça dünýäniň iň gowy futbolçysy diýen ada dalaş edýän 30 oýunçynyň resmi sanawyny yglan etdi.
Esasy wakalar we rekordlar:
Lionel Messi: «Inter Maýami» toparynyň 39 ýaşly hüjümçisi Argentina bilen DÇ-2026-yň finalyna çenli ýetip (Ispaniýadan 0:1 utuldy), öz karýerasynda 17-nji gezek «Altyn topa» dalaşgär görkezildi.
Kriştianu Ronaldu: 41 ýaşly portugaliýaly hüjümçi eýýäm yzygiderli dördünji gezek (jemi 18 gezek dalaşgär bolan) bu sanawa girizilmedi.
Sanawa girmän galan beýleki ýyldyzlar: Rafinýa, Pedri, Bredli Barkola, Bukaýo Saka, Martin Edegor, Dawid Raýa we Enso Fernandes ýaly belli futbolçylar 30 oýunçynyň hataryna düşüp bilmediler.
Klublar boýunça paýlanyşy:
«Pari Sen-Žermen» — 10 futbolçy (iň köp wekillik edýän topar);
«Real Madrid» we «Bawariýa» — her birinden 4 futbolçy;
«Barselona» we «Arsenal» — her birinden 3 futbolçy.
30 dalaşgäriň doly sanawy:
Jud Bellingem («Real Madrid»), Pau Kubarsi («Barselona»), Mark Kukurelýa («Real Madrid»), Usman Dembele («PSŽ»), Luis Dias («Bawariýa»), Brunu Fernandeş («Mançester Ýunaýted»), Erling Holand («Mançester Siti»), Gabriel («Arsenal»), Harri Keýn («Bawariýa»), Aşraf Hakimi («PSŽ»), Lamin Ýamal («Barselona»), Hwiça Kwarasheliýa («PSŽ»), Markinýos («PSŽ»), Sadio Mane («Al-Nasr»), Lautaro Martines («Inter Milan»), Kilian Mbappe («Real Madrid»), Nunu Mendeş («PSŽ»), Lionel Messi («Inter Maýami»), Maýkl Olise («Bawariýa»), Žoao Neweş («PSŽ»), Wilýan Paço («PSŽ»), Hulian Kinýones («Al-Kadisiýa»), Deklan Raýs («Arsenal»), Rodri («Mançester Siti» / «Barselona»), Fabian Ruis («PSŽ»), Ferran Torres («Barselona» / «PSŽ»), Wilýam Saliba («Arsenal»), Daýo Upamekano («Bawariýa»), Winisius Žunior («Real Madrid»), Witinýa («PSŽ»).
Blitz