Oýun sanawy
Altyn taryhy rekord goýdy: bir unsiýa üçin bahasy ilkinji gezek 5000 dollardan ýokary boldy
26 Ýan. 14:51Şu gün dünýä biržalary taryhy pursady belläp, altynyň bahasy ilkinji gezek bir unsiýa üçin 5000 dollardan geçdi. Reuters agentliginiň maglumatlaryna görä, duşenbe güni irden bir unsiýa 5100 dollar bahasynda satyldy.
Bahalaryň ýokarlanmagy dünýäde geosyýasy dartgynlylygyň güýçlenmegi bilen baglanyşdyrylýar. Durnuksyz döwründe maýadarlaryň adatça altyny gorag aktiwi hökmünde kabul edip, işjeň satyn alandyklary bellenilýär. Şeýle hem ABŞ-nyň Hytaý bilen şertnama baglaşan ýagdaýynda Kanadadan import edilýän önümler üçin 100% göterim paç girizip biljekdigini aýtmagy goşmaça täsir etdi.
2025-nji ýylda altynyň bahasy ABŞ-nyň pul-karz syýasatynyň gowşadylmagy, Hytaý Merkezi bankynyň talaby we maýadarlaryň gymmat bahaly metallara bolan gyzyklanmasy sebäpli 64% ýokarlandy. Türkmenistanda hem bu taryhy derejä ýetmegi maýadarlaryň we maliýe bazar bilen gyzyklanýanlaryň ünsüni çekdi.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Şeýle hem okanyň
Blitz