Oýun sanawy
Türkiýe Respublikasynyň günorta sebitlerinde möwsümiň iň ýokary gyzgynlygy bellenilýär. Türk meteorology Ihsan Ýurtdaşyň maglumatlaryna salgylanýan «РИА Новости» gullugynyň habar bermegine görä, Adana şäherinde howanyň derejesi 50 gradus yssydan geçip biler.
Hünärmenler bu görkezijiniň häzirki tomusky möwsümdäki iň ýokary sepgitleriň biri boljakdygyny belleýärler. Şu sebäpli sinoptikler ýerli ýaşaýjylara we sebitdäki syýahatçylara gündizki sagatlarda açyk howada bolunanda aýratyn seresaplylygy berjaý etmegi maslahat berýärler.
Howanyň iň garşylykly hem-de gyzgyn wagty günüň ikinji ýarymyndan tä agşama çenli bolan aralyga düşýär. Ýokary temperaturanyň ýokary çyglylyk bilen utgaşmagy adam bedenine amala аşyrylýan agramy artdyryp, saglyga olumsuz täsirini ýetirip biler.
Şeýle аşyry gyzgyn günlerde lukmanlar hem-de hünärmenler ilata mümkin boldugyça kölegeli ýerlerde bolmagy, köpräk suwuklyk sarp etmegi we agyr fiziki zähmetden gaça durmagy maslahat berýärler.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Blitz