Oýun sanawy
SpaceX kompaniýasynyň esaslandyryjysy Ilon Mask, täze nesil kosmos gämisi Starship-iň Hytaýyň meýilleşdirýän uçuşyndan öň Aýa baryp ýetjekdigine ynam bildirýär. Ol bu barada X sosial ulgamynda çykyş edip, SpaceX-iň beýleki kosmos kompaniýalary bilen deňeşdirilende “ýalpyldawuk tizlikde” öňe barýandygyny aýtdy.
Maskyň sözlerine görä, Starship 2027-nji ýylda NASA-nyň Artemis maksatnamasynyň çäginde adamly uçuş ýerine ýetirer. Uçuş üçin zerur bolan şahadatnama bolsa eýýäm indiki ýylda alnyp bilinjekdigini belledi. Uly göwrümli Super Heavy raketasy bilen bilelikde, bu ulgam NASA-nyň döredýän SLS raketasyndan iki esse güýçlidir we 120 metrden uzynlygy bilen dünýäde iň uly raketa hasaplanýar.
Şol bir wagtyň özünde Hytaý öz astronawtlaryny 2030-njy ýyla çenli Aýa düşürmegi meýilleşdirýär.
Starship şu wagta çenli 11 orbital uçuş geçirdi, olaryň bäşisi üstünliksiz tamamlandy. Şeýsemem, Mask bu gämi arkaly Aý programmalarynda täze sahypa açyljakdygyna berk ynanýar.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Şeýle hem okanyň
Blitz