Oýun sanawy
Meşhur futbolçy Kriştianu Ronaldu Ispaniýanyň «Almeriýa» futbol klubunyň paýnamalarynyň 25 göterimini satyn aldy. «Associated Press» agentliginiň habar bermegine görä, bu söwda oýunçynyň bähbitlerine wekilçilik edýän «CR7 Sports Investments» kompaniýasy tarapyndan amala aşyryldy. Saud Arabystanly maýa goýujy Mohamed al-Hureýji bolsa toparyň esasy paýdary bolmagynda galýar. Häzirki wagtda Ispaniýanyň Segundasynda (ikinji diwizion) 3-nji orunda barýan «Almeriýa» kluby geljek möwsümde La Liga dolanmagy maksat edinýär.
Şeýle hem okanyň
Russiýanyň paýtagtynda iň uzak ýaşly ýaşaýjylaryň ýaş görkezijileri aýan edildi
10 Sen. 08:16Moskwa şäherinde häzirki wagtda iň uly ýaşly zenan ýaşaýjynyň 108 ýaşy, iň uly ýaşly erkek ýaşaýjynyň bolsa 105 ýaşy doldy. Bu barada şäheriň Zähmet we ilaty sosial taýdan goramak edarasyna salgylanmak bilen «Gazeta.ru» neşiri habar berýär.
Hünärmenleriň çaklamalaryna görä, Moskwada ortaça ömür dowamlylygy 2026-njy ýylda 80 ýaşdan gowrak bolar. Ýaşaýjylaryň ömür dowamlylygynyň mundan beýläk-de artmagy öňüni alyş lukmançylygynyň kämilleşmegi, emeli aň tilsimleriniň ornaşdyrylmagy hem-de şäher infrastrukturasynyň ösmegi bilen baglanyşdyrylýar.
Russiýa Federasiýasy boýunça ilatyň iň uzak ýaşaýan sebitleriniň sanawynda Inguşetiýa Respublikasy birinji orny eýeleýär. Şeýle hem ýokary görkezijili sebitleriň hataryna Dagystan, Moskwa şäheri, Kabardin-Balkar we Garaçaý-Çerkez respublikalary girdi.
Şeýle hem okanyň
Blitz