Aşgabatda BMG-niň esaslandyrylmagynyň 80 ýyllygyna bagyşlanan maslahat işine başlandy. Maslahat Türkmenistanyň Daşary işler ministrliginiň Halkara gatnaşyklar institutynda geçirilýär. Maslahatyň başlanyşy bilen gatnaşýanlary Türkmenistanyň Prezidenti Serdar Berdimuhamedow gutlady, diýip TDH habar berýär.
Döwlet Baştutany ýurduň BMG bilen strategik hyzmatdaşlygy işjeňleşdirýändigini, onuň hemişelik bitaraplygynyň Baş Assambleýanyň üç karary bilen tassyk edilmeginiň Türkmenistanyň halkara abraýyny artdyrandygyny aýtdy. Prezident hemişelik bitaraplyk syýasatynyň milli bähbitler we BMG-niň maksatlaryna doly laýyk gelýändigini nygtady.
“Şunuň bilen baglylykda, maslahatyň gün tertibine parahatçylyk, howpsuzlyk we durnukly ösüş ýaly möhüm meseleler bilen bir hatarda, Türkmenistanyň halkara başlangyçlaryny amala aşyrmak boýunça umumy dünýä çärelerine goşýan uly goşandy hem giriziler diýip ynanýaryn,” – diýdi Prezident.
Döwlet Baştutany çykyşynda Aşgabatda açylan Merkezi Aziýa üçin BMG-niň öňüni alyş diplomatiýasy boýunça Sebitleýin merkeziniň we “Türkmenistan – BMG” Stratejik geňeşiniň döredilmeginiň ähmiýetini belledi. Şeýle hem Awazada geçirilen deňizden çykalgasy bolmadyk ýurtlaryň üçünji BMG konferensiýasynyň netijelerini, şol ýerde kabul edilen “Awaza hereketleriň 2024–2034-nji ýyllar üçin meýilnamasyny” aýratyn nygtady.