Oýun sanawy
Lukmaçylyk ulgamynyň işgärleriniň hünär baýramyna bagyşlanan dabara geçirildi
9-njy oktýabrda “Iş nokady” koworking merkezinde 2025-nji ýylyň önümi bolan çaga iýmitiniň tanyşdyrylyşy we ýetip gelýän hünär baýramçylygy – Saglygy goraýyş we derman senagaty işgärleriniň güni mynasybetli baýramçylyk ýygnagy geçirildi. Bu ýerde çaga lukmanlary “Arkadag Medisina Klasteri Menejment” kärhanasy tarapyndan öndürilen önümler, ýagny çaga ýaňy dünýä inen gününden berip bolýan çaga iýmitleriniň görnüşleri bilen tanyşmaga mümkinçilik aldylar.
Mälim bolşy ýaly, Sentýabr aýynda “Arkadag Medisina Klasteri Menejment” kärhanasy tarapyndan öndürilýän çaga iýmiti Russiýa Federasiýasynyň Moskwa şäherinde geçirilen “WorldFood Moscow – 2025” halkara sergisinde ýeňiji boldy. Bu önüme resmi ýagdaýda “2025-nji ýylyň önümi” ady dakyldy we oňa altyn medal gowşuryldy.
Biziň ýurdumyzda Gahryman Arkadagymyz we Arkadagly Gahryman Serdarymyz tarapyndan ýaş nesilleriň, çagalaryň we enäniň saglygyny goramaklyk üçin uly aladalar edilýär. Şeýle ýokary hilli we elýeterlii, dünýä standartlaryna laýyk gelýän önümleriň öndürilmegi hem munuň aýdyň subutnamasydyr.
Bu ýygnak diňe bir lukmanlar üçin däl, eýsem çagajyklaryň saglygy, dogry iýmitlenmegi bilen gyzyklanýan ähli adamlar üçin hem diýseň wajypdyr. “Arkadag Med Cluster” biziň çagajyklarymyz üçin iň ýokary hilli we peýdaly çaga iýmitlerini öndürmek bilen halkymyzy begendirmegini dowam edýär. “Arkadag Medisina Klasteri Menejment” kärhanasy tarapyndan hünär baýramçylyklary, ýagny Saglygy goraýyş we derman senagaty işgärleriniň güni mynasybetli lukmanlara dürli sowgatlaryň gowşurylmagy bolsa, maslahatyň ähmiýetini we dabarasyny has-da artdyrdy.
Goý, çagajyklarymyzyň jany sag bolsun! Ene-atalar bolsa olaryň parahat asmanyň astyndaky gülkülerine guwanyp ýaşasyn!
Şeýle hem okanyň
Iň köp görülen
«Altyn Asyr» «Al-Şabab» bilen oýunda ýeňildi, ýöne çärýek final mümkinçilikleri saklanyp galdy
AFK Kysga Ligasynyň topar tapgyrynyň üçünji oýnunda Türkmenistanyň «Altyn Asyr» kluby Oman «Al-Şabab» toparyna 1:3 hasabynda ýeňildi. «Altyn Asyr» toparynyň ýeke-täk goluny 29-njy minutda Zafer Babadžanow geçirdi. «Al-Şabab» toparyndan Hatem Al-Ruşadi 53-nji we 90+2-nji minutlarda iki gol geçirdi, Hanaan Markne bolsa 45-nji minutda hasap goşdy.
Bu ýeňiş «Al-Şabab» üçin çärýek finalda oýnamagy kepillendirdi, «Altyn Asyr» bolsa toparda ikinji orny saklap, pleý-offa çykmak mümkinçiliklerini saklady. Günbatar zonanyň iň gowy ikinji topary bolmak üçin «Altyn Asyr» «Al-Sib» (Oman) – «Al-Ansar» (Liwan) oýnunda deňlik bolmagyny ýa-da «Al-Kuwait» toparynyň Bangladeşden bolan «Bashundhara Kings» garşy utuk ýitirmelidigini garaşmaly.
Topar tapgyrynyň öňki duşuşyklarynda «Altyn Asyr» iki ýeňiş gazandy: Gyrgyzystanyň «Abdyş-Ata» (1:0) we Butanyň «Paro» (3:1) garşylykly oýunlarynda.
2025/26 möwsüminde AFK Kysga Ligasynda 20 klub çykyş edýär we olar Günbatar we Gündogar zonalara bölünendir. Oýunlar merkezleşdirilen görnüşde geçirilýär — her topar garşydaşlary bilen bir gezek duşuşýar. Her klub topar tapgyrynda çykyş edeni üçin 100 müň ABŞ dollary alýar.
Çärýek finala 8 topar çykýar: üç topar ýeňijisi we Günbatar zonavdan iň gowy ikinji orundaky topar, şeýle hem Gündogar zonavdan iki iň gowy topar. Çärýek final oýunlary martda, ýarym final aprel 2026-da, final bolsa 9-njy maýda geçiriler.
Öňki möwsümiň ýeňijisi Türkmenistanyň çempiony «Arkadag» kluby boldy.
Şeýle hem okanyň
Blitz