Oýun sanawy
Londondaky Milli newrologiýa we neýrohirurgiýa hassahanasynyň lukmanlary taryhda ilkinji gezek beýni çişini aýyrmak operasiýasynda emeli aň ulgamyndan peýdalandylar. «The Guardian» neşiriniň habar berşi ýaly, täze tehnologiýa operasiýa wagtynda möhüm nerwleri hem-de gan damarlaryny goraýjy gural hökmünde hyzmat etdi. Bu bolsa 48 ýaşly hassa Ris Hibbertiň görüş ukybyny saklap galmagyna we körlik howpundan gutulmagyna mümkinçilik berdi.
Hassanyň gipofiz mäzinde ýerleşýän 11 millimetrlik çiş örän töwekgelçilikli zolakda bolup, ol ýerdäki ujypsyzja ýalňyşlyk hem ölümçilige ýa-da insulte getirip bilýärdi. Müňlerçe wideoýazgylar arkaly tälim berlen emeli aň kameralardan alnan şekilleri reňk kodlamasy arkaly seljerip, lukmanlara anatomiýany takyk kesgitlemäge ýardam etdi. Maý aýynda geçirilen operasiýadan bary-ýogy bir hepde soň hassa özbaşdak ýöräp, tiz arada ozalky zähmet işine dolanmagy başardy.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Blitz