Oýun sanawy
BMW ýanmak howpy sebäpli ABŞ-dan 29 müňden gowrak awtoulagyny yzyna çagyrýar
16 Iýul. 18:23Nemes awtogiganty BMW, hereketlendirijiniň starteriniň relesindäki tehniki näsazlyk sebäpli ABŞ-nyň bazaryndan 29 119 sany awtoulagyny yzyna çagyrýar. Bu barada «Reuters» habarlar agentligine salgylanyp, «news.by» neşiri habar berdi.
ABŞ-nyň Ýol hereketiniň howpsuzlygy boýunça milli edarasynyň (NHTSA) beren resmi maglumatyna görä, bu çäre aşakdaky awtoulag modellerine degişlidir:
BMW 530e xDrive
BMW 740Le xDrive
BMW iPerformance tapgyryna degişli beýleki gibrid modeller.
Näsazlygyň esasy sebäbi hökmünde starteriň relesiniň wagtyň geçmegi bilen poslama (korroziýa) duçar bolup biljekdigi görkezilýär. Bu bolsa gysga utgaşma we netijede ulagyň ot almagyna sebäp bolup bilýär. NHTSA-nyň habar bermegine görä, BMW-niň resmi dilerleri ýüze çykan bu näsazlygy, ýagny hereketlendirijiniň starterini awtoulag eýeleri üçin doly mugt çalşyp bererler.
Şeýle hem okanyň
NASA-nyň «Habbl» teleskopy älem «köpürjiginiň» içki gurluşyny surata düşürdi
09 Sen. 11:31NASA-nyň «Habbl» älem teleskopy Ýerden 160 müň ýagtylyk ýyly uzaklygynda ýerleşýän Uly Magellan Buludyndaky N44 dumanlygynyň täze suratyny aldy. Altynbalyk ýyldyzlar toparynda ýerleşýän bu dumanlygyň merkezinde 500 müň töweregi ýyldyz hem-de gaz we tozandan ybarat dykyz gabyk bilen gurşalan ägirt uly boşluk ýerleşýär. Alymlaryň bellemegine görä, bu boşluk güýçli ýyldyz ýelleriniň we täze ýyldyzlaryň partlamalarynyň täsiri astynda emele gelipdir.
Barlagçylar suratyň ýokarky sag tarapyndaky N44F kiçijik köpürjigine aýratyn üns berýärler. Onuň töwereginde özboluşly sütünlerden ybarat gurluşlar we şöhlelenme akymlary görünýär. Bu sebitde entek ömrüniň ilkinji tapgyrynda duran, wodorody geliý elementine öwrüp başlamadyk 30 müň töweregi örän ýaş ýyldyz ýüze çykaryldy.
Blitz