Amerikan kinoaktýory we komigi Adam Sendler «Forbes» žurnalynyň düzen iň köp hak tölenýän aktýorlaryň sanawynda birinji orny eýeledi. 59 ýaşly aktýoryň ýyllyk girdejisi 48 million dollar möçberinde bahalandy. Onuň bu üstünliginiň esasy sebäbi hökmünde 2014-nji ýyldan bäri «Netflix» striming platformasy bilen ýola goýlan uzak möhletli we netijeli hyzmatdaşlyk görkezilýär.

2025-nji ýylda Sendler «Bagtly Gilmor 2» (Happy Gilmore 2) filminiň hem prodýuseri, hem-de baş keşbini ýerine ýetiriji hökmünde uly abraý gazandy. Mundan başga-da, «Netflix» platformasynda görkezilen «Jeý Kelli» filmindäki keşbi hem aktýoryň maliýe taýdan ýokary derejä çykmagyna goşant goşdy. Bu netijeler aktýoryň kino dünýäsindäki täsiriniň we tomaşaçylaryň oňa bolan isleginiň ýokarydygyny tassyklaýar.

Sanawda ikinji orny 46 million dollar hak bilen meşhur aktýor Tom Kruz eýeledi. Üçünji orunda bolsa 44 million dollar girdeji bilen Mark Uolberg ýerleşdi. Bu görkezijiler dünýä kinosyndaky bäsdeşligiň we uly býujetli taslamalaryň aktýorlaryň girdejisine edýän täsirini görkezýär.

Iň köp hak tölenýän aktýorlaryň ilkinji onlugyna Skarlett Ýohansson ($43 mln), Bred Pitt ($41 mln), Denzel Waşington ($38 mln), Jek Blek ($28 mln), Jeýson Momoa ($28 mln), Deniel Kreýg ($27 mln) we Milli Bobbi Braun ($26 mln) dagy girdiler. Bu sanaw häzirki zaman kinosyndaky iň ýokary hakly hünärmenleriň jemlenmesini özünde jemleýär.