Oýun sanawy
Aşgabat — Türkmenabat ýokary tizlikli awtomobil ýolunynyň Mary — Türkmenabat böleginde «Altyn Asyr» öýjükli aragatnaşyk operatorynyň dördünji nesil (4G) ulgamy işe girizildi. Täze düzüm ýol ulanyjylaryna ýokary tizlikli maglumat alyşmagy, ýokary hilli ses we wideoaragatnaşygy, şeýle hem ýol ugrunda nawigasiýa hyzmatlaryna we onlaýn-salgylara elýeterliligi üpjün edýär.
4G ulgamynyň işe girizilmegi Türkmenistanyň Prezidenti Serdar Berdimuhamedowyň gatnaşmagynda geçirilen magistralyň jemleýji tapgyrynyň dabaraly açylyşy bilen utgaşdy. Bu awtoýoluň gurluşygynyň tamamlanmagy ýurduň ulag ulgamynda şu ýylyň esasy wakalarynyň birine öwrüldi.
Operatoryň berýän maglumatlaryna görä, ulag geçelgesiniň ugrunda döwrebap aragatnaşyk standartynyň ornaşdyrylmagy diňe bir sürüjiler we ýolagçylar üçin amatlylygy artdyrman, eýsem, ulag-logistika amallarynyň netijeliligine hem gönüden-göni täsir edýär: durnukly aragatnaşyk sürüjilere we ýolagçylara ýükleri hakyky wagt tertibinde gözegçilikde saklamaga hem-de dolandyrmaga mümkinçilik berýän sanly gurallary ulanmaga şert döredýär.
Aşgabat — Türkmenabat ýoly halkara üstaşyr geçelgesiniň bir bölegi bolup, paýtagty ýurduň gündogar sebitleri bilen baglanyşdyrýar. Onuň telekommunikasiýa düzüminiň döwrebaplaşdyrylmagy sebitara arabaglanyşygy pugtalandyryp, ýoluň ugurdaky ilatly ýerleriň ykdysadyýetiniň ösmegine hem goşmaça itergi berer.
Şeýle hem okanyň
Türkmen alabaýynyň baýramynda iki hünärmene «Türkmenistanyň at gazanan itşynasy» diýen hormatly at dakyldy
26 Okt. 07:21Türkmenistanyň Prezidenti Serdar Berdimuhamedow milli baýramçylyk bolan Türkmen alabaýynyň güni mynasybetli «Türkmenistanyň at gazanan itşynasy» diýen hormatly ady dakmak baradaky degişli Permana gol çekdi. TDH habarlar gullugynyň habar bermegine görä, bu resminama milli itşynaslyk mekdebiniň köpasyrlyk däplerini saklamakda hem-de türkmen alabaýlarynyň şan-şöhratyny dünýä ýaýmakda uly hyzmatlary bitiren zähmetkeşleri sarpalamaga gönükdirilendir.
Döwlet Baştutanymyzyň Permanyna laýyklykda, alabaý itlerini ylmy esasda saklamakda, köpeltmekde we olaryň tohum arassalygyny goramakda köp ýyllaryň dowamynda çeken halal hem-de göreldeli zähmeti göz öňünde tutulyp, iki raýata bu ýokary döwlet ady gowşuryldy. Şunlukda, Türkmenistanyň Döwlet serhet gullugynyň Merkezi gulluk itlerini köpeldiş we kämilleşdiriş ýeriniň uly tehnigi Begmyrat Halwatjanow hem-de Türkmenistanyň Döwlet migrasiýa gullugynyň harby bölüminiň it idedijisi Parahat Bäşimow bu mukaddes ada mynasyp görüldiler.
Ata-babalarymyzdan miras galan türkmen alabaýlary halkymyzyň baý medeni mirasynyň aýrylmaz bölegi bolup durýar. Häzirki wagtda ýurtda alabaýlaryň baş sanyny artdyrmak, olary halkara derejede wagyz etmek we harby hem-da hukuk goraýjy edaralarda gulluk itleri hökmünde netijeli ulanmak boýunça giň göwrümli döwlet maksatnamalary üstünlikli amala aşyrylýar.
Blitz