Oýun sanawy
Hytaý Halk Respublikasynyň Başlygy Si Szinpin, 22-nji sentýabrda Türkmenistanyň Prezidenti Serdar Berdimuhamedowy doglan güni bilen tüýs ýürekden gutlady.
Gutlag hatynda Si Szinpin Prezident Berdimuhamedowa mähirli arzuwlaryny we iň gowy dileglerini beýan etdi.
Ol Serdar Berdimuhamedowyň Hytaýa eden soňky saparyny we ŞHG-niň sammitine hem-de Hytaý halkynyň ýapon basybalyjylara garşy gazanan ýeňşiniň we Ikinji Jahan urşundaky üstünliginiň 80 ýyllygyna bagyşlanan dabaralara gatnaşandygyny ýatlap geçdi.
Hytaý Lideri duşuşykda çuňňur pikir alşylandygyny, ikitaraplaýyn hyzmatdaşlygyň dürli ugurlary boýunça giň ylalaşyga gelnendigini we munuň geljekde dostlukly gatnaşyklary ösdürmäge berk esas bolandygyny aýtdy.
Si Szinpin Hytaý bilen Türkmenistanyň arasyndaky “Bir ykbal jemgyýeti” başlangyjyny öňe sürmäge taýýardygyny belläp, Serdar Berdimuhamedowa saglyk we abadançylyk arzuw etdi.
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Şeýle hem okanyň
Blitz