Oýun sanawy
Dünýäniň iň uly parowozy ABŞ-nyň 250 ýyllygynyň şanyna syýahata çykdy
23 Mart. 11:53"Union Pacific" kompaniýasy dünýäniň iň uly we häzirki wagtda işleýän ýeke-täk parowozy bolan "Big Boy No. 4014-i" Amerikanyň Birleşen Ştatlarynyň döredilmeginiň 250 ýyllyk baýramçylygy mynasybetli taryhy syýahata ugratdy. Bu äpet lokomotiwiň gezelenji 29-njy martda Waýoming ştatynyň Şaýenn şäherinden dabaraly ýagdaýda başlanar. Bu başlangyç ýurduň demir ýol taryhyny we tehnologik mirsyny dabaralandyrmaga gönükdirilendir.
"Polat at" diýlip atlandyrylýan bu parowoz öz ugrunyň dowamynda birnäçe ştatlaryň, şol sanda Newada we Ýuta ştatlarynyň çäklerinden geçip, Kaliforniýa çenli baryp ýeter. Bu taryhy tehnikany ýakyndan görmek isleýän muşdaklar üçin 10–11-nji aprelde Rozwillde hem-de 18–19-njy aprelde Ogden şäherlerinde ýörite sergiler guralar. Şeýle-de, häzirki zaman tehnologiýalarynyň kömegi bilen parowozyň hereketini onlaýn-treker arkaly internetde göni ýaýlymda yzarlap bolar.
1941-nji ýylda agyr ýükleri daşamak üçin ýörite öndürilen 25 sany şeýle lokomotiwden şu günlere çenli diňe 8-si saklanyp galypdyr. "Big Boy No. 4014" bolsa olaryň arasynda işjeň ýagdaýda saklanyp galan ýeke-täk nusgadyr. 1961-nji ýylda hyzmatdan aýrylmazdan ozal 1,6 million kilometrden gowrak ýol geçen bu lokomotiw, 2019-njy ýylda düýpli dikeldiş işlerinden soň täzeden demir ýollara gaýtyp geldi.
Bu äpet tehnikanyň uzynlygy takmynan 40 metre, agramy bolsa 540 tonna barabardyr. Onuň gurluşy şeýle bir ululygy sebäpli demir ýoluň öwrümlerinde bökdençsiz hereket edip bilmesi üçin çeýe bogunly (artikulirlenen) görnüşde ýasalandyr. Baharyň ahyrlarynda bu taryhy syýahatynyň gündogar bölegi başlanar we "Big Boy" öz taryhynda ilkinji gezek Atlantik okeanynyň kenaryna çenli baryp ýeter.
Şeýle hem okanyň
Özbegistanda latyn ýazuwyna esaslanýan özbek elipbiýiniň täzelenen we kämilleşdirilen görnüşi tassyklanyldy
Bugün 10:24Özbegistanyň Prezidenti latyn elipbiýine esaslanýan özbek ýazuwynyň täzelenen görnüşini tassyklamak hakyndaky möhüm kanuna gol çekdi. Resmi resminama 2027-nji ýylyň 22-nji aprelinde doly güýje girer. Elipbiýniň täze nusgasy 28 sany harpdan we apostrof belgiden ybarat bolup, ozalky ýazuwda giňden ulanylan käbir harp birleşmelerini aýratyn harplar bilen çalşyrmagy göz öňünde tutýar. Netijede, häzirki wagtda ulanylýan «Sh» harp birleşmesi «Ş», «Ch» — «Ç», «Oʻ» — «Ö», al «Gʻ» bolsa «Ğ» görnüşinde ýazylar, şeýle hem «Ng» birleşmesi elipbiýiň aýratyn birligi hökmünde aýrylar.
Täze kanunyň kabul edilmegi bilen baglylykda, Özbegistanyň Ministrler Kabineti ýakynda täzelenen latyn elipbiýine geçmek boýunça ýörite döwlet maksatnamasyny tassyklamalydyr. Bu maksatnama täze ýazuw düzgünleriniň ýurduň dürli pudaklarnda, şol sanda neşirýatda, maglumat ulgamlarynda we dolandyryş edaralarynda haýsy möhletlerde ornaşdyryljagyny anyk kesgitlər. Kanun güýje giren gününden başlap, ähli köpçülikleýin habar beriş serişdeleri, döwlet edaralary we resmi edaralar resminamalary täze bitewi düzgünler esasynda ýöretmäge borçly bolarlar.
Şeýle hem täze elipbiýe geçiş döwründe ýüze çykyp biljek kynçylyklaryň öňüni almak üçin ýeňillikler göz öňünde tutuldy: 2027-nji ýylyň 22-nji apreline çenli öňki elipbiýde çap edilen resminamalar, pul birlikleri we gymmatly kagyzlar öz güýjüni doly saklar. Döwlet edaralarynyň öňki nyşanlaryny, binalardaky ýazgylary we ýol görkezijilerini bolsa olar fiziki taýdan könelýänçä ýa-da hökümet maksatnamasynda görkezilen möhletlere çenli ulanmaga rugsat berler. Mundan başga-da, täze düzgünlere laýyklykda taýýarlanan mekdep okuw kitaplaryny 2031-nji ýyla çenli çap edip tamamlamak meýilleşdirilýär.
Blitz