Oýun sanawy
Bütindünýä Saglygy Goraýyş Guramasynyň (BSGG) hünärmenleri häzirki wagtda dünýäde Andes hantawirusyny bejermek üçin niýetlenen ýörite sanjymyň ýa-da anyk lukmançylyk usulynyň ýokdugyny resmi derejede tassykladylar. Bu barada BSGG-niň hünärmeni Anais Legan «MV Hondius» atly syýahatçylyk gämisinde ýüze çykan ýokanç ýagdaýy bilen baglylykda geçiren metbugat maslahatynda habar berdi. Bu ýokanç özüniň çylşyrymlylygy we adama ýetirýän howpy bilen halkara saglygy goraýyş ulgamynyň üns merkezinde galýar.
Häzirki wagtda halkara ylmy jemgyýetçiligi hantawiruslar toparyna girýän bu howply ýokanjy öwrenmek we oňa garşy täsirli derman serişdelerini tapmak ugrunda yzygiderli işleri alyp barýar. BSGG bu ugurdaky barlaglaryň dowam etdirilmelidigini we täze goranyş gurallarynyň döredilmeginiň zerurdygyny nygtaýar. Andes hantawirusynyň beýleki wiruslardan tapawudy, onuň diňe bir gemrijilerden däl, eýsem adamdan adama hem geçip bilmek ähtimallygyndadyr.
Lukmanlaryň maslahatyna görä, bu kesele garşy göreşmekde iň esasy çäre simptomlaryň ýüze çykan ilkinji pursatlarynda wagtynda lukmana ýüz tutmakdyr. Ýörite bejergi usuly ýoklugy sebäpli, hassahanalarda esasan goldaw beriji bejergi amala aşyrylýar. Ýokanjyň ýaýramagyna gözegçilik etmek we ilatyň arasynda düşündiriş işlerini geçirmek wirusyň öňüni almagyň häzirki wagtda ýeke-täk we netijeli ýoly bolup galýar.
Şeýle hem okanyň
Mary welaýatynda ýylda 50 müň tonna önüm öndürmäge ukyply täze süýt gaýtadan işleýän kärhana dabaraly açyldy
26 Okt. 10:04Mary welaýatynyň Mary etrabynyň «Täze Oba» daýhan birleşiginiň çäginde ýylda 50 müň tonna süýdi gaýtadan işlemäge niýetlenen döwrebap önümçilik toplumy dabaraly ýagdaýda ulanyşa berildi. Täze senagat desgasynyň açylyş dabarasyna ýerli häkimiýet edaralarynyň, jemgyýetçilik guramalarynyň, syýasy partiýalaryň wekilleri, senagat kärhanalarynyň hünärmenleri, talyplar ham-da hormatly ýaşulular gatnaşdylar. Bu döwrebap toplum sebitiň azyk senagaty kuwwatyny ep-esli artdyrmaga uly goşant goşar.
Täze zawodyň gurluşyk işleri hususy telekeçi Guwançmyrat Orazowa hemişelik ulanmak üçin bölünüp berlen 3,5 gektar meýdanda alnyp baryldy. Taslamanyň baş potratçysy hökmünde ýurduň öňdebaryjy «Täze Aý Önümleri» hojalyk jemgyýeti çykyş etdi, alnyp barylan gurluşyk işleri bolsa Türkiýe Respublikasynyň ýöriteleşdirilen kompaniýasy tarapyndan enjamlaşdyrylan metal gurluşlar we kämil materiallar bilen üpjün edildi.
Kärhana iň döwrebap tehnologik liniýalar, önümçilik sehler hem-da barlaghana-gözegçilik bölümleri bilen doly üpjün edilendir. Bu ýokary tehnologik enjamlar köp görnüşli süýt we gatyk önümlerini öndürmäge, amallaryň netijeliligini ýokarlandyrmaga we önümleriň peýdaly häsiýetlerini saklamak bilen olaryň saklanyş möhletini uzaltmaga mümkinçilik berýär. Desganyň ulanyşa girizilmegi içerki bazary ýerli önümler bilen bökdençsiz üpjün etmäge hem-da sebitde täze iş orunlaryny döretmäge şert döredýär.
Blitz