Oýun sanawy
15-nji sentýabrda Türkmenistanyň daşary işler ministri Raşid Meredow Kataryň paýtagty Doha şäherinde Kataryň Emiri Şeýh Tamim bin Hamad Al Tani tarapyndan kabul edildi.
Kataryň döwlet Baştutany Prezident Serdar Berdimuhamedow hem-de Halk Maslahatynyň Başlygy, türkmen halkynyň Milli Lideri Gurbanguly Berdimuhamedow üçin mähirli salamlaryny beýan etdi. Şeýh Tamim bin Hamad Al Tani türkmen ýolbaşçylarynyň dostlukly goldawyna minnetdarlyk bildirip, bu agyr döwürde şeýle hyzmatdaşlygyň ähmiýetini belledi.
Duşuşykda Türkmenistanyň we Kataryň arasynda dürli ugurlarda hyzmatdaşlygy giňeltmegiň mümkinçilikleri ara alnyp maslahatlaşyldy. Emir ýurtlaryň arasyndaky doganlyk gatnaşyklarynyň ýokary derejededigini belläp, hyzmatdaşlygyň geljegi barada optimist garaýyşlaryny aýtdy.
Taraplar Türkmenistanyň we Kataryň BMG, Yslam Hyzmatdaşlyk Guramasy we beýleki halkara guramalar çäklerindäki hyzmatdaşlygynyň möhüm ähmiýetini aýratyn bellediler.
Şeýle hem okanyň
Iň köp görülen
Türkmenistanyň wekiliýeti Manasda GDA-nyň Serhet goşunlarynyň serkerdeleri Geňeşine gatnaşdy
Oktýabr aýynyň 30-da Gyrgyz Respublikasynyň Manas şäherinde geçirilen Garaşsyz Döwletleriň Arkalaşygynyň (GDA) Serhet goşunlarynyň serkerdeleri Geňeşiniň mejlisine Türkmenistanyň wekiliýeti gatnaşdy.
Mejlise Azerbaýjan, Belarus, Gazagystan, Gyrgyzystan, Russiýa, Täjigistan, Türkmenistan we Özbegistan döwletleriniň serhet gulluklarynyň wekilleri, şeýle hem GDA ýerine ýetiriji komitetiniň, Geňeşiň utgaşdyryjy gullugynyň, Kollektiw howpsuzlyk şertnamasy guramasynyň (KHSG), ŞHG-nyň we Serhet gullugynyň weteranlarynyň halkara birleşiginiň wekilleri gatnaşdy diýip, GDA-nyň ýerine ýetiriji komitetiniň saýtynda habar berilýär.
Geňeşde GDA agza ýurtlarynyň daşky serhetlerindäki ýagdaýlar seljerildi hem-de olaryň howpsuzlygyny berkitmek boýunça goşmaça çäreler kesgitlenildi.
Şeýle hem GDA-nyň Terrorçylyga garşy merkezi, Jenaýatçylyk bilen göreşi utgaşdyryjy býuro we ŞHG-nyň sebit terrorçylyga garşy gurluşy bilen hyzmatdaşlygy pugtalandyrmak meseleleri ara alnyp maslahatlaşyldy.
Geňeş 2025-nji ýylyň jemleri boýunça ýerine ýetirilen işleri seljerip, indiki döwür üçin ileri tutulýan ugurlary kesgitledi. Jemi 22 çözgüt kabul edilip, olar serhet howpsuzlygyny berkitmäge hem-de GDA ýurtlarynyň arasyndaky hyzmatdaşlygy giňeltmäge gönükdirildi.
Mundan başga-da, serhetleri goramakda aýratyn göreldelik görkezen harby gullukçylara Geňeşiň karary bilen sylaglar gowşuryldy.
Şeýle hem okanyň
Blitz