Oýun sanawy
Türkmenistan Serbiýada geçiriljek «EXPO-2027» sergisinde milli pawilýonyň gurluşygyna girişer
17 Awgust. 11:52Türkmenistanyň Prezidenti Serbiýanyň paýtagty Belgrad şäherinde geçiriljek «EXPO-2027» Bütindünýä ýöriteleşdirilen sergisine gatnaşmak boýunça Degişli Karara gol çekdi. Resminama hakynda Türkmen döwlet habarlar gullugy (TDH) habar berýär. Bu resminama laýyklykda, Söwda we daşary ykdysady aragatnaşyklar ministrligine Türkmenistanyň milli pawilýonyny taslamalaşdyrmaga, gurmaga we degişli gurnalysh işlerini geçirmäge ygtyýar berildi.
Milli pawilýonyň döredilmeginiň esasy maksady Türkmenistanyň gazanan durmuş-ykdysady üstünliklerini halkara giňişliginde giňden wagyz etmekden hamda daşary ýurtlar bilen köp taraply Hyzmatdaşlygy ösdürmekden ybaratdyr. Resminama şeýle hem ministrlige serginiň çäklerinde amala aşyrylmaly beýleki degişli çäreleri guramaga rugsat berýär.
«EXPO-2027» Bütindünýä ýöriteleşdirilen sergisi Belgrad şäherinde 2027-nji ýylyň 15-nji maýyndan 15-nji awgusty aralygynda geçiriler. «Oýun adamzat üçin: sport we saz hemmeler üçin» diýen mowzuk astynda guralýan bu halkara çäre Günbatar Balkan sebitinde ilkinji gezek amala aşyrylýar. Sergi toplumy 25 gektar meýdany eýeläp, guramaçylar 130-dan gowrak gatnaşyjy ýurdy we 4 milliondan gowrak myhmany kabul etmäge taýýarlyk görýärler.
Şeýle hem okanyň
Wenesiýa halkara kinofestiwalynda režissýor Alek Gibni tarapyndan düşürilen, telekeçi Ilon Maskyň ömri we işi baradaky dokumental filminiň ilkinji görkezilişi geçirildi. Bäsleşikden daşgary görkezilen we takmynan dört sagat dowam edýän bu kinofilmiň golaýda Toronto halkara kinofestiwalynda hem görkezilmegi, 16-njy oktýabrda bolsa dünýä kinoteatrlaryna çykarylmagy meýilleşdirilýär.
Filmi döredijiler tarapyndan köpçülige hödürlenen tizer-wideo rolikde milliarder barada dürli garşylykly pikirler beýan edilýär. Onda käbir hünärmenler Masky häzirki döwrüň beýik oýlap tapyjysy diýip atlandyrsa, beýlekiler ony hereketini öňünden çaklap bolmaýan, rehimsiz we egoist adam hökmünde häsiýetlendirýärler. Tizer kosmos gämisiniň partlamagy we Maskyň «ýadro bombasy» bilen deňeşdirilmegi bilen tamamlanýar.
Tizerde Talking Heads toparynyň öňki solisti Dewid Birniň täze aýdymy ýaňlanýar. Kinoteatrlardaky resmi görkezilişleri tamamlanandan soňra, bu dokumental film HBO we Max striming platformalarynda tomaşaçylara hödürlener.
Blitz