Türkmenistanda umumybilim berýän orta mekdepleriň 9-njy synp okuwçylary üçin koreý dili boýunça täze okuw kitaby çapdan çykdy. Bu barada Türkmenistanyň Bilim ministrligi habar berýär.

Okuw kitabyň awtorlary — D. Soýunnazarowa we M. Mämmedowa. Kitapda täze sözleriň özleşdirilmegi, tekstler we olara degişli tabşyryklar, grammatikadan maşklar hem-de öý işleri bilen baglanyşykly bölümler bar.

Kitap öwredilýän temalara laýyk reňkli suratlar bilen bezelendir. Şeýle hem kitapda ýörite sözlük ýerleşdirilen we tekstleriň köpüsine ses ýazgylary goşulypdyr.

Kitabyň ahyrynda Koreýa barada gyzykly maglumatlar, şeýle hem dostluk, kitap we ylym barada nakyllar ýerleşdirilendir.