Oýun sanawy
Türkmenistanyň Pakistandaky ilçisi Atajan Mowlamow Pakistanyň maliýe ministri Muhammet Awrangzeb bilen duşuşyk geçirdi. Duşuşykda diplomat Türkmenistanyň maýa goýum forumy — TIF-2025-e gatnaşmak üçin resmi çakylygy gowşurdy diýip, Business Recorder habar berýär.
Duşuşykda iki ýurduň arasyndaky söwda, ykdysady we maýa goýum hyzmatdaşlygyny giňeltmek meseleleri ara alnyp maslahatlaşyldy.
Ministr Awrangzeb Pakistanyň Türkmenistanyň bilen gatnaşyklary ösdürmäge uly gyzyklanma bildirýändigini belläp, geçen ýyl geçirilen ýokary derejeli duşuşyklary ýatlatdy.
Ilçi Mowlamow Pakistanyň Türkmenistanyň möhüm söwda we maýa goýum hyzmatdaşydygyny, şeýle hem sebitleýin söwda üçin möhüm geçelge hökmünde çykyş edýändigini aýtdy.
Duşuşykda energetika, ulag we gurluşyk pudaklarynda bilelikdäki kärhanalary döretmek mümkinçilikleri ara alnyp maslahatlaşyldy.
Forum 18–19-nji sentýabrda Aşgabatda geçiriler, çakylyk bolsa Türkmenistanyň maliýe we ykdysadyýet ministri Mämmetguly Astanagulowyň adyndan gowşuryldy.
Şeýle hem okanyň
Türkmenistanyň Döwlet migrasiýa gullugynyň wekilleri Hytaýda geçirilen halkara forumyna gatnaşdylar
09 Sen. 10:34Türkmenistanyň Döwlet migrasiýa gullugynyň wekilleri Hytaý Halk Respublikasynda geçirilen «Migrasiýa gözegçiligi ulgamyndaky hyzmatdaşlyk meseleleri boýunça kiçi foruma» gatnaşmak üçin iş saparyny amala aşyrdylar. Gullugyň resmi saýtynda habar berlişi ýaly, forumyň çäklerinde Lýanyan şäherinde Hytaýyň Migrasiýa işleri boýunça müdirliginiň wekilleri bilen ikitaraplaýyn duşuşyk geçirildi. Gepleşikleriň dowamynda taraplar hyzmatdaşlygyň täze ugurlaryny kesgitlemek hem-de özara bähbitli gatnaşyklary ösdürmek üçin yzygiderli duşuşyklaryň täsirini nygtadylar.
Duşuşykda migrasiýa ulgamyndaky hyzmatdaşlygyň geljegi, ileri tutulýan ugurlar hem-de halkara guramalaryň çäklerindäki özara gatnaşyklaryň orny barada pikir alşyldy. Taraflar däp bolan dostlukly gatnaşyklaryň mundan beýläk-de sazlaşykly ösdüriljekdigine ynam bildirip, geljekki bilelikdäki işlerde üstünlikleri arzuw etdiler.
Blitz