Oýun sanawy
Türkmenistanyň bilim edaralarynda durnukly ösüşiň maksatnamalaryna laýyklykda täze hünär ugurlary ýola goýuldy
13 Iýul. 12:33Ýurduň ýokary ylmy we amaly kuwwatyny has-da berkitmek, milli ykdysadyýetiň döwrebap pudaklaryny ýokary hilli hünärmenler bilen üpjün etmek maksady bilen, uzak möhletleýin ösüş strategiyalarynyň çäginde bilim ulgamynda düýpli täzeçillikler amala aşyrylýar. Täze okuw ýylyndan başlap, ýurdumyzyň öňdebaryjy ýokary we orta hünär okuw mekdeplerinde sanly tehnologiýalar, inženerçilik, energetika, oba hojalygy, halkara gatnaşyklar we mugallymçylyk ugurlaryny öz içine alýan jemi 20 sany täze hünär we taýýarlyk ugurlary resmi taýdan açylýar. Bu ugurlar häzirki zaman ylmynyň talaplaryna laýyklykda bakalawr, magistr we hünärmen maksatnamalary boýunça alnyp barlar.
Energetika we inženerçilik ugurly ýokary okuw mekdeplerinde nebitgaz pudagynda metrologiýa, standartlaşdyrmak, kompýuter ulgamlarynyň programma üpjünçiligi, maglumat howpsuzlygy hem-de ýangyç-energetika toplumynyň dolandyrylyşy ýaly möhüm ugurlara ilkinji gezek talyplar hasaba alynar. Oba hojalyk ugurly bilim ojaklarynda bolsa IT-tehnologiýalaryny peýdalanmak bilen suw gorlaryny dolandırmak, ekinleriň genetikasy we biotehnologiýa ýaly ylmy-tehniki ugurlar girizildi. Bu çäreler ýurduň önümçilik we tebigy serişdelerini ylmy esasda ulanmaga döwrebap şertleri döreder.
Pedagogika we gumanitar ugurlar boýunça hem uly özgertmeler amala aşyrylyp, ýerli diller we edebiýatlar bilen bir hatarda arap we urdu dilleri, defektologiýa, psihologiýa, maglumat ulgamlary we ekologiýa ýaly çylşyrymly hünärler ýola goýuldy. Telekeçilik we telekommunikasiýa institutlarynda bolsa geljegi uly bolan emeli aň, mehatronika, robot tehnikasy hem-de awtomatlaşdyrylan ulgamlaryň maglumat howpsuzlygy boýunça bakalawrlar taýýarlanyp başlanar. Şonuň bilen birlikde, diplomatik ugurda syýasy-diplomatik ähmiýeti ýokary bolan parahatçylyk we bitaraplyk magistr maksatnamasy talyplara garaşýar.
Orta hünär bilim edaralarynda hem senagat pudagynda enjamlary abatlamak we emeli aň arkaly maglumatlary seljermek ýaly döwrebap ugurlar açylyp, täze okuw ýylyndan başlap geljegiň iň isleg bildirilýän hünärleri boýunça professional kadrlar binýadyny kemala getirmäge giň wezipeler berler.
Şeýle hem okanyň
Türkmenistandaly mekdep okuwçylary mental arifmetika boýunça dünýä çempionatynda uly üstünlik gazandylar
10 Sen. 11:395-7-nji sentýabr aralygynda Germaniýanyň Bilefeld şäherinde çagalaryň we ýetginjekleriň arasynda mental hasaplamak boýunça dünýä çempionaty (Junior Mental Calculation World Championship 2026) geçirildi. Bu abraýly halkara bäsleşige Hytaý, Ýaponiýa, Germaniýa we Fransiýa ýaly dünýäniň 14 döwletinden 100-den gowrak iň zehinli okuwçylar gatnaşyp, iki sagadyň dowamynda çylşyrymly matematiki amallary diňe ýatdan çözmek boýunça bäsleşdiler.
Ýurt boýunça geçirilen saýlama tapgyrdan üstünlikli geçip, bäsleşige kabul edilen 12 sany türkmen okuwçysy halkara synagda ýokary netijeleri görkezdiler. Bäsleşikde Türkmenabat şäherindäki 41-nji orta mekdebiň 7-nji synp okuwçysy hamana «Kämil Bilim» okuw merkeziniň uçurymy Mekan Nurgeldiýew Junior-1 kategoriýasynda 2477 bal toplap, dünýä boýunça 3-nji orny eýeledi. Şeýle hem ýurdumyzyň mental arifmetika boýunça milli rekordçysy Liwanur Berdiýewa Senior kategoriýasynda iň gowy 8 gatnaşyjynyň hataryna girdi.
Türkmenistanyň ýygyndy toparyna «Kämil bilim» merkeziniň mugallymlary Jahan Durdymämmedowa we Halym Annagurbanow ýolbaşçylyk etdiler. Türkmen okuwçylarynyň bu halkara ýaryşda eýeleýän ýokary orunlary eýýäm däp öwrülip, olar geçen ýyl hem iň gowy onlugyň hataryna girmegi başarypdyrlar.
Blitz